Zabbuli 14:4 - Baibuli Ekibono kya Katonda 2014

⁴ Aye abakozi b'ebibi bano boonaboona, abalya abantu bange ng'oti balya mere, kiki kyene kye bataidhi, ekibalobera okusinza Musengwa Katonda?

Zabbuli 14:4 ပူးပေါင်းရင်းမြစ်များ

Yobu 21:15

Katonda Aghanga Ebintu Byonabyona ni ki einho, memale obwo tumugheereze? Tuganhulwamu ki mu kumusaba?’

Yobu 27:10

Ti n'omuntu asanhukira einho okusinza oyo Aghanga Ebintu Byonabyona, n'okumweghemba ekiseera kyonakyona.

Zabbuli 27:2

Abakozi ab'ebibi bwebaanumba nga bali ng'oti benda kundya bulye, beene abo abazigu bange baja kugangalima ere bagwe.

Zabbuli 79:6

Kyukiza obusungu bwo ku maghanga agatakutya, ni ku bwakyabazinga obutakusinza;

Zabbuli 82:5

Muli na butamanha bwaga gha? Muli basiru ba nkula ki? Lwaki mukola eby'obukupya ebyereere? Abantu tibakaakola mazima mu nsi.

Ensambo 30:14

Abandi bakambwe inho, nga bali n'amaino ng'oti mpiima dheene, era ng'oti biso byene. Banhunhunta abaavu n'abaghafu kwenda bwa kubamaliriragho ku nsi.

Isaia 27:11

Ensaga dh'emiti gyamu bwe dhikala, abakazi badhikookola, baadhigherera ng'enku. Era ng'abantu abo bwe baziramu naire akategeera, Katonda eyabatonda talibasaasira waire okubagemerwa ekivunika.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 45:20

Musengwa Katonda akoba ati: “Mwidhe mwesolokeze ghalala, museete imwe abaawonagho mu maghanga. Abantu abo abaja nga bagemereire ebisinzibwa ebitali Katonda ebyakolebwa mu biti obuti, era ni basaba katonda atasobola kubalokola, baziramu magezi naire.

Isaia 5:13

Kale abantu bange kye baliva ni batwalibwa mu bunhage, olw'obutaba na kumanha. Abakungu baibwe endhala eribaita, n'abantu baibwe boonaboona baafa olw'endiwo.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Isaia 64:7

Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Yeremia 10:25

Kyukiza obusungu bwo ku maghanga agatakusinza, ni ku bantu abo abaloba okukugondera; kuba baatwita ife abantu bo, baatuzikiriza okutumaliriragho, era baaleka ensi yaife ng'eri bifulukwa byereere.

Hosea 7:7

Obusungu bwaibwe bwe butumbuka ng'oti muliro mu ziiko, olwo baatemula abafuzi baibwe. Era bajiire nga baita bakyabazinga baibwe mulala mulala, aye ghazira muntu waire omulala ati ansaba kubayamba.”

Amosi 8:4

Imwe abatyankirira abateeghanga era ni muzikiriza abaavu mu nsi eno, muwulire bino:

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Ab'e Galatia 5:15

Aye bwe munaira agho okumoodhagana n'okudaazadaaza banaimwe mugwaine mwekuume, kuba musobola okwezikiriza beene na beene.