Zabbuli 14:1 - Baibuli Ekibono kya Katonda 2014

¹ Abasiru bakoba mu myoyo gyaibwe bati: “Katonda azirayo.” Baidhwire obukupya, bakola ebyenhinhasa era boonaboona bakola bikyamu byereere.

Zabbuli 14:1 ပူးပေါင်းရင်းမြစ်များ

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

Yobu 15:16

Memale olwo aghanga atya okwesiga omuntu omwonoonefu era atagasa, eyeededa ebyonoono ng'oti yeededa maadhi!”

Yobu 22:13

Osobola okwebuuza oti, ‘Katonda kiki ky'aidhi? Aghanga okusalira abantu emisango ate ng'aghembeibwaku ebire ebigemye enzikiiza?’

Zabbuli 10:4

Omukozi w'ebibi nga bwe yeebona nga wa ghaigulu, tatwala Musengwa Katonda ng'ekikulu. Mu by'akola byonabyona talaadha Katonda.

Zabbuli 107:17

Abandi baali basirusiru olw'ebibi byaibwe, okwonoona kwaibwe okwo nga kubadaazadaaza.

Zabbuli 53:1

Abasiru bakoba mu myoyo gyaibwe bati: “Katonda azirayo.” Baidhwire obukupya, era bakola ebyenhinhasa; boonaboona bakola bikyamu byereere.

Zabbuli 73:3

kuba bwe nabona ng'ababi ebintu bibajiira bukalamu, naabasaalirirwa olw'okwekuluntaza kwaibwe.

Zabbuli 92:6

Omudoofu tasobola kumanha kino, n'omusiru taghanga kukitegeera,

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Ensambo 13:19

Omuntu asangaala okufuna kye yeegomba. Abasiru tibendera irala kulekera kukola bibi.

Ensambo 27:22

Omusiru ni bw'omusekula mu kinu ng'oti ni bwe basekula engaano okugitoolaku obukaba, obusiru bwe tibumuvaaku.

Omulangirizi 7:20

Bwenebwene ezira muntu mutuufu ku nsi, akola ebirungi ebyereere n'atayonoonaku naire.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Yeremia 5:12

“Abantu abo boogeire eby'obuguya ku Musengwa Katonda, nga bakoba bati, ‘Musengwa Katonda azira kyaidha kutukola. Ezira kabi kaidha kututuukaku, waire olutalo okutwidhira, oba endhala okugwa mu nsi yaife.’

Yeremia 6:28

Boonaboona badheemu era bampwitu. Baja nga basalaganaku ebibono. Emyoyo gyaibwe mikalangufu ng'oti kyuma kya kikomo era ng'oti n'ekyuma ekigumu einho. Era boonaboona bakupankupania.

Matayo 12:34

Imwe eizaire ery'emisota, musobola mutya okwogera ebikalamu nga muli babi! Ebiidhwire mu mwoyo, omunwa ti bye gwogera?

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Ab'Efeso 2:12

Olwo mwali muzira kye mwidhi ku Kurisito, nga muli ba ndha era nga timubalibwa mu ba ighanga lya Isiraeli. Era mwali muzira mugabo mu bisuubizo ebiri mu ndagaano dha Katonda. Mwali mu nsi nga muzira kye musuubira, era nga muzira Katonda.

Tito 1:16

Bakoba mbu baidhi Katonda, aye mu bikolwa byaibwe bamwegaana. Katonda oyo abeenhinhala bwenhinhale, era beene bamudheemera, baabulaku ekikalamu kye basobola okukola.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

1 Samueli 25:25

Nkusaba, musengwa wange, olobe kufa ku Nabali, kuba omuntu oyo mubi. Era eriina lye kye likoba, yeena ky'ali ayetebwa Nabali, era nga bwenebwene musiru. Aye nze omugheereza wo omukazi tyabona baisuka iwe musengwa wange be watuma.