Zabbuli 139:21 - Baibuli Ekibono kya Katonda 2014

²¹ Wo Musengwa Katonda, nze nkyagha abo abakukyagha, naawulira enaku nga mbona abantu abakudheemera.

Zabbuli 139:21 ပူးပေါင်းရင်းမြစ်များ

2 Ebyomubyanda 19:2

Omulanzi ayetebwa Yehu, mutabane wa Hanani, yaaja okumweisuusaayo, era yaamukoba ati: “Obwo bwene, obona nga iwe ogwaniire okuyamba ababi n'okugonza abo abakyagha Musengwa Katonda? Ekyo ky'okoze kikuleeteire obusungu bwa Musengwa Katonda okukwidhira.

Zabbuli 119:136

Amaziga gakuuluula okunva mu maiso ng'oti miiga, olw'okubona ng'abantu tibagema mateeka go.

Zabbuli 119:158

Abantu abatakutya bangemya obusungu inho buli lwe mbabona, kuba tibagema biragiro byo.

Zabbuli 15:4

Anhooma abo abatasanhusa Musengwa Katonda, aye yaata ekinhagansi mu abo abatya Musengwa Katonda. Atuukiriza bye yeeyamye, ni bwebimufiiriza takyusaamu.

Zabbuli 26:5

Tyenda naire kubita na bakozi ba bibi, era neeghala okutyamira mu babi.

Zabbuli 31:6

Toyenda abo abeesiga ebisinzibwa ebitali Katonda, ebizira muganhulo, aye nze neesiga iwe Musengwa Katonda.

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Mariko 3:5

Agho Yesu ng'asungughaire, yaabeezunguluza amaiso era nga n'okunakughala anakughaire olw'obukalangufu obw'emyoyo gyaibwe. Yaakoba ow'omukono ogwaniala ati: “Golola omukono.” Yaagugolola era gwawona!

Luka 19:41

Agho Yesu yaatuuka okumpi n'ekibuga, bwe yakibona yaalira.

Okwolekebwa 2:2

Ndidhi by'okola, okufaabiikana kwo, n'okuguminkiriza mu bizibu kw'oli nakwo. Ndidhi nga tosobola kuguminkiriza bantu babi. Era ng'abo abaali beeyeta abatume, ate nga ti batume, wabaleba waababona nga baguya.

Okwolekebwa 2:6

Aye ate kino n'ekirungi ky'oli nakyo: Okyagha ebikolwa eby'abanonereza Nikolao, zeena bye nkyagha.