Zabbuli 138:7 - Baibuli Ekibono kya Katonda 2014

⁷ Nze waire mba ghagati mu bizibu, iwe okuuma obulamu bwange, waalwanisa abazigu bange waabalobera okunkola obubi, wantoola ku bazigu bange olw'obukumu bwo.

Zabbuli 138:7 ပူးပေါင်းရင်းမြစ်များ

Yobu 13:15

Bona, oba Katonda andhita, andhite, kiki kye nkaasuubirayo? Aye ndidha kwewozaaku mu maiso ge.

Zabbuli 17:7

Yoleka okugonza kwo mu nsambo eyeewuninkiriza, iwe awonia abo abalumuka abazigu baibwe, ni baidha okwewogoma gh'oli gha mukono gwo omusaadha.

Zabbuli 18:17

Yamponia abazigu bange ab'amaani n'abo abankyagha; kuba baali ba maani inho okunsinga.

Zabbuli 18:18

Baanumba ku lunaku lwe nali mu buzibu obutaloodheka, aye Musengwa Katonda yambeera.

Zabbuli 18:35

Iwe Musengwa Katonda onkuuma era wandokola. Amaani ag'omukono gwo omusaadha gambeera mu bye nkola, era olw'okumbeera kwo ndi mukologho.

Zabbuli 20:6

Buti ntegeire nga Musengwa Katonda aleetera kyabazinga we ye yasiiga omuzigo okughangula; awulira okusaba kwe ng'ali mu igulu lye eitukuvu, yaamugha obughanguzi obutaloodheka, ng'akozesa omukono gwe omusaadha ogw'amaani.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Zabbuli 56:9

Ku lunaku lwe ndikusaba, oliiririzaayo abazigu bange einhuma; kuba ndidhi nti oli ku luuyi lwange.

Zabbuli 60:5

Ife b'ogonza tuwulirise otuwonie, otughe obughanguzi n'obuyinza bwo.

Zabbuli 77:10

Agho naakoba nti: “Ekisinga okuunuma, n'okubona ng'oyo Ali Ghaigulu Yeene takaali ku luuyi lwaife.”

Zabbuli 85:6

Totwizeemu maani buyaaka, ife abantu bo tusagambenga olw'ebyo by'otukolera?

Isaia 10:4

Muliba nga muzira kindi kya kukola okutoolaku okutwalibwa mu busibe, oba okwitibwa mu lutalo. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Isaia 57:16

Ninze nafuuwa omuuka ogw'obulamu mu bantu bange, era tiribasungughaliranga bujiiririire waire okubavunaananga emisango buliidho kuba ekyo kisobola okubaleetera okufa, ate nga ninze mwene eyabagha obulamu.

Isaia 9:12

Abasiria baliva e buvandhuba n'Abafilisiti baava e bugwandhuba, baayasamya eminwa gyaibwe okumira Isiraeli. Aye waire ng'ebyo bimaze okubaagho, obusungu bwa Musengwa Katonda oyo bulisigala nga bukaaligho. Era alisigala ng'akaagalwire omukono gwe okubabonereza.

Isaia 9:17

Kale ni, Musengwa Katonda talireka abaana baibwe abaakaisuka kuwonagho, waire okusaasira banamwandu baibwe oba abaana baibwe bamulekwa; kuba abantu boonaboona tibatya Katonda, bakola ebibi era boogerayogera eby'ekisiru. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 9:21

Abamanasse n'Abaefuraimu balirwanagana beene na beene, ate baamala beeyimba okulwanisa ab'ekika kya Yuda. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Yeremia 51:25

Iwe Babilonia, oli ng'oti lusozi oluzikiriza ensi yoonayoona. Aye nze Musengwa Katonda mwene ndikukolaku. Ndigolola omukono gwange naakumaniangulamaniangula, naakuleka ng'oli bwa ivu, ng'oti n'olusozi lwe bookiikya omuliro.

Ebikolwa by'Abatume 2:33

Mperaano, bwe yamala okuniinisibwa ku mukono omusaadha ogwa Katonda, era n'okufuna Mwoyo Mutukuvu, eyamusuubizibwa Katonda Lata, n'okutugha ekirabo kino kye muli kubona era kye muli kuwulira.