Zabbuli 137:7 - Baibuli Ekibono kya Katonda 2014

⁷ Wo Musengwa Katonda, idhukira Abaedomu kye baakola ku lunaku Abababilonia lwe baagema Yerusalemu. Baakobanga bati: “Mu kisaaniegho kyonakyona. Mutuukire irala ku musingi!”

Zabbuli 137:7 ပူးပေါင်းရင်းမြစ်များ

Nehemia 6:14

Agho naasaba nti: “Wo Katonda wange, otasonigha Tobia ni Saniballati okusinziira ku ebyo bye bakoze, oba waire okusonigha omulanzi omukazi Noadia, n'abalanzi abandi boonaboona abaayenda okuntiisatiisa.”

Zabbuli 74:18

Aye Musengwa Katonda oteerabira kino nti abazigu bo bakusekerera, abantu abatakutya baakunhooma.

Okuvaayo 17:14

Musengwa Katonda yaakoba Musa ati: “Obughanguzi obwo bughandiike mu kitabo bulobe kwerabirwa. Era okobere Yoshua oti ndidha kuzikiriza Abamaleki mbamaliregho irala.”

Ezekieli 35:15

ng'oti niiwe bwe wasagamba nga Isiraeli, ensi yange, erekeibwa agho etyo ng'eri bifulukwa byereere. Olusozi Seiri ndidha kulukolaku n'ensi Edomu yoonayoona ngikoleku, birekebwe agho bityo nga biri bifulukwa byereere. Olwo balimanha nga ninze Musengwa Katonda.”

Ezekieli 35:2

“Iwe omuntu, amaiso go galingirize ku lusozi Seiri, olange akabi akali kulwidhira.

Hosea 7:2

Aye baaloba kulowooza naku nga nze tyerabira bikolwa byaibwe byonabyona ebibi. Kale ni mpegaano ebibi byaibwe bibazingiiza, era nze ndi kubibona bukalamu.”

Amosi 1:11

Musengwa Katonda akoba ati: “Abantu ab'e Edomu bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baayiiga baganda baibwe Abaisiraeli, baabaita aghazira kusaasira naire. Era obusungu bwaibwe bwaloba kukendeeraku naire, aye baabusiba ku mwoyo enaku dhoonadhoona.

Habakkuku 3:13

Waja okulokola abantu bo, okulokola oyo eyasiigibwa omuzigo okuba kyabazinga. Wakuba omukulembeze w'abakozi b'ebibi waamutentena, era waamaliragho irala be yakulemberanga.

1 Samueli 15:2

Musengwa Katonda oyo Afuga Amagye akoba ati, ‘Ndidha kubonereza Abamaleki olw'ekyo kye baakola, eky'okulobera Abaisiraeli okubitagho bwe baali nga bava e Misiri.