Zabbuli 134:2 - Baibuli Ekibono kya Katonda 2014

² Mulingirize emikono gyaimwe eri ekifo ekitukuvu, musaake Musengwa Katonda.

Zabbuli 134:2 ပူးပေါင်းရင်းမြစ်များ

Nehemia 8:6

Ezera oyo yaasaaka Musengwa Katonda, Katonda omukologho. Abantu boonaboona bairamu bati: “Amiina, Amiina,” nga basituliire emikono gyaibwe ghaigulu. Era baakuba amakiryaivu, baakutama n'ebyeni byatuuka ku itaka, baasinza Musengwa Katonda.

Zabbuli 141:2

Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Zabbuli 26:6

Wo Musengwa Katonda, okumanha nga nziraku musango, nnaabye mu ngalo, era naatambula okwezungulula alutaari nga nkusinza.

Zabbuli 28:2

Ganha owulirise okulira kwange, nga nkusaba okumbeera, era nga nsituliire emikono eri eisinzizo lyo eitukuvu einho.

Zabbuli 63:2

Nhenda inho okukubona mu kifo kyo ekitukuvu; mbone obukumu bwo n'ekitiisa kyo.

Zabbuli 63:4

Kale ni ndidha kukusiimanga obulamu bwange bwonabwona; ndidha kukusabanga n'emikono gyange ghaigulu.

Zabbuli 63:5

Ndidha kuwuliranga mule bukalamu ng'oti n'omuntu aliire ku mbaga ensavu, era ndidha kukusaakanga n'eisanhu.

Okulira 2:19

Muzuuke obwire emikuzi egigheraku mulirire Musengwa! Mumukobere ebibali ku mwoyo byonabyona ng'awulira. Mughanike amakono mugoolekeze Musengwa Katonda, nga musabira abaana baimwe abali kulambukira endhala ku nguudo dh'ekibuga.

Okulira 3:41

Ka twiguliregho Katonda ow'eigulu emyoyo gyaife era tumusabe.

1 Timotheo 2:8

Kale, nhenda abasaadha, buli ghantu woonawoona beeghembenga Katonda, nga baghanika emikono gyaibwe emitukuvu, nga bazira busungu oba ntaka.