Zabbuli 132:17 - Baibuli Ekibono kya Katonda 2014

¹⁷ Omwo mwe nditoola kyabazinga, nga wa ku nda ya Daudi; omulonde wange oyo afugenga nga ninze mmukuuma.

Zabbuli 132:17 ပူးပေါင်းရင်းမြစ်များ

1 Bakyabazinga 11:36

Aye ate omwana wa Solomoni oyo ndimulekera ekika kirala, olwo buliidho omugheereza wange Daudi abenga ng'akaaligho n'omuntu ow'oku lulyo lwe afuga mu Yerusalemu, ekibuga kye nalonda kibe ekifo mwe banansinzizanga.

1 Bakyabazinga 15:4

Aye ku lwa Daudi, Musengwa Katonda yaagha Abiyamu oyo omwana omulenzi okumusikira ku bwakyabazinga mu Yerusalemu, n'okukuuma Yerusalemu nga kiri miraala.

2 Bakyabazinga 8:19

Aye Musengwa Katonda yaaloba kuzikiriza Buyudaaya, kuba yasuubiza omugheereza we Daudi ati eizaire lye n'erinaafuganga obwakyabazinga obwo ebyanda n'ebyanda.

2 Ebyomubyanda 21:7

Aye Musengwa Katonda yaaloba kwenda kuzikiriza bantu ba ndhu ya Daudi kubamaliriragho, kuba yasuubiza omugheereza we Daudi oyo ati eizaire lye n'erinaafuganga obwakyabazinga obwo ebyanda n'ebyanda.

Zabbuli 148:14

Eighanga lye alighaire amaani, abantu be abamutya baamusaaka, abo nga n'Abaisiraeli b'agonza einho. Mwenamwena musaake Musengwa Katonda!

Zabbuli 89:25

Obwakyabazinga bwe ndibugaziya okuva ku Nhandha Eyaghagati okutuuka ku mwiga Eufurate.

Zabbuli 92:10

Aye nze ompaire amaani ng'oti ga mbogo nume, wansiiga omuzigo.

Ezekieli 29:21

“Ekyo bwe kirituukirira, eighanga Isiraeli ndirifuula lya maani, era iwe Ezekieli ndikugha okulanga n'amaani, abantu boonaboona baakuwulira. Olwo balimanha nga ninze Musengwa Katonda.”

Luka 1:69

Atufuniire amaani okutulokola mu ndhu ya Daudi omugheereza we.

1 Samueli 2:10

Abazigu ba Musengwa Katonda aja kubazikiriza baweegho; aja kubabwatukira ng'oti lukuba ng'ali mu igulu. Musengwa Katonda aja kulamula ensi yoonayoona, aghe kyabazinga we amaani, agulumize obukumu bw'oyo ye yasiiga omuzigo.”