Zabbuli 129:5 - Baibuli Ekibono kya Katonda 2014

⁵ Boonaboona abakyagha Sioni, bagwananga baabairirizaayo ekyeinhumainhuma baaswala.

Zabbuli 129:5 ပူးပေါင်းရင်းမြစ်များ

Nehemia 6:16

Abazigu baife boonaboona abaali mu maghanga agandi agatwezungulwire bwe baakiwulira, baatya era baaweeramu irala amaani, kuba baakimanha ng'omulimo ogwo gwawa lwa Katonda mwene kutuyamba.

Zabbuli 122:6

Musabire Yerusalemu kibenga miraala nga mukoba muti: “Abo abakugonza ka babenga n'enkabi.

Zabbuli 40:15

Abo abansungiriza baleetere okwezinduka, olw'okubona nga baswaziibwa.

Zabbuli 71:13

Abo abaanumba baswaze era obazikirize. Abo abagezaaku okuntuusaaku ebizibu, baswalize irala era banhoomebwe.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 29:8

Amaghanga ago olukunkumuli ageesoloza okulwanisa Olusozi Sioni, galiba ng'oti n'omuntu endhala y'eruma n'aloota ng'ali kulya, aye n'azuuka ng'ekaamuluma. Oba ng'oti n'ole ali n'endiwo, n'aloota ng'ali kunhwa, aye ate n'azuuka ng'akaali nayo era ng'emukaziiza gha mamiro.”

Isaia 37:22

Era bino Musengwa Katonda oyo by'akoba ku kyabazinga Sennakeribu oyo, ati, ‘Ekibuga Sioni kikunhoomye kyakusekerera iwe Sennakeribu; era ekibuga ekyo Yerusalemu kikukongoire.

Isaia 37:35

Ndidha kulwanirira ekibuga kino nkikuume, ku lwange ni ku lw'omugheereza wange Daudi.’ ”

Mika 4:11

Amaghanga kamaala geesoloiza okubalumba, nga gakoba gati: “Yerusalemu kizikirizibwe, tukibone nga kisigaire bifunfugu byereere.”

Zekaria 12:3

Mu kiseera ekyo ndireetera Yerusalemu okuba ng'oti n'eibaale eizito, nga kiisi ighanga erigezaaku okulibbeeda, lirumizibwa inho. Era amaghanga goonagoona ag'oku nsi galyeyimba gaakirumba.

Zekaria 12:6

“Mu kiseera ekyo ndireetera ebika eby'omu Buyudaaya okuba ng'oti n'omuliro gwe bakunaaniiza mu mmungo y'enku, oba mu binhwa by'engaano. Birizikiriza amaghanga goonagoona agabyezungulwire agho. Aye abantu b'omu Yerusalemu balisigala nga ghazira kabi kabatuuseeku naire.

1 Ab'e Korintho 16:22

Oyo yeenayeena atagonza Musengwa alaamibwe. Musengwa idha!