Zabbuli 126:2 - Baibuli Ekibono kya Katonda 2014

² Ku matama twaidhula enseko, era twayemba nga tukuba n'emizira. Agho abantu abamaghanga agandi baakoba bati: “Musengwa Katonda abakoleire ebyewuunhisa.”

Zabbuli 126:2 ပူးပေါင်းရင်းမြစ်များ

Ezera 3:11

Baayemba eno nga bwe bairamu, nga basaaka era nga basiima Musengwa Katonda, bati: “Musengwa Katonda mulungi okugonza kwe tikukoma, era kubaagho ghalala n'Abaisiraeli ebyanda n'ebyanda.” Abantu boonaboona baakuba emizira n'amaani agataloodheka, nga basaaka Musengwa Katonda olw'okuteebwagho okw'omusingi ogw'eisinzizo lya Musengwa Katonda oyo.

Nehemia 6:16

Abazigu baife boonaboona abaali mu maghanga agandi agatwezungulwire bwe baakiwulira, baatya era baaweeramu irala amaani, kuba baakimanha ng'omulimo ogwo gwawa lwa Katonda mwene kutuyamba.

Yobu 8:21

Aidha kukwiza enseko ku matama, era okube emizira.

Zabbuli 14:7

Katonda agwananga yaaleetagho alizaawula Isiraeli ng'ava mu Sioni! Musengwa Katonda bw'aliiriza abantu be obukombe, aba Yakobo balisagamba, aba Isiraeli baasangaala!

Zabbuli 51:14

Wonia obulamu bwange iwe Katonda wange ondokole, ndidha kukoberanga abantu obulungi bwo.

Zabbuli 53:6

Katonda agwananga yaaleetagho alizaawula Isiraeli ng'ava mu Sioni! Katonda oyo bw'aliiriza abantu be obukombe, aba Yakobo balisagamba, aba Isiraeli baasangaala.

Zabbuli 71:19

Obutuufu bwo butuuka ni mu igulu. Okoze ebintu ebikologho, ezira ali ng'oti niiwe.

Isaia 35:10

Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 51:11

Abo iwe Musengwa Katonda b'onunwire baliirayo e Yerusalemu nga bemba. Baliba mu masanhu na kusagamba enaku dhoonadhoona, ng'okunakughala n'okusinda biwoiregho.

Yeremia 31:7

Musengwa Katonda akoba ati: “Mwembe n'amaani nga musagamba ku lwa Isiraeli. Mukubire emizira eighanga erisinga agandi goonagoona obukologho. Mwembe olwembo lwaimwe olusaaka, mulangirire muti, ‘Musengwa Katonda alokoire abantu be Abaisiraeli abaawonagho.’

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Ezekieli 36:36

Olwo amaghanga agabeezungulwire agaliba gasigairegho, galimanha nga nze Musengwa Katonda, ninze nazimba obuyaaka ebifo ebyali bisigaire ebyanhe n'ebifunfugu ebyereere. Era naasimba buyaaka emere mu bifo ebyali birekeibwa obwagho nga biwolongeire nga bitiisa. Nze Musengwa Katonda ninze nkobye, era ndikituukiriza.”

Okubala 23:23

Ghazira irogo lisobola kulumya ba Yakobo, ghazira kulagula kusobola kutuusa kabi ku Baisiraeli abo. Okutoolaku abantu baidhanga kwogera ku Baisiraeli abo, bati, ‘Katonda ng'abakoleire eby'amaani!’

Ab'e Roma 11:15

kuba oba nga ekya Katonda okubalekulira agho kyaleetera ensi okwizaagho omukago ni Katonda, memale okwizibwa kwaibwe tikulireeta bulamu okuva mu kufa!