Zabbuli 12:6 - Baibuli Ekibono kya Katonda 2014

⁶ Ebisuubizo bya Musengwa Katonda byesigika ng'oti ni feeza alongooseibwa, ng'abisibwa mu muliro emikuzi omusanvu.

Zabbuli 12:6 ပူးပေါင်းရင်းမြစ်များ

2 Samueli 22:31

Katonda ono, kiisi ky'akola kiba kituufu, kiisi ky'asuubiza akituukiriza, era yaaba ng'oti ngabo eri abo abamweyuna okubawonia.

Yobu 20:19

olw'okuba yatuntuza abaavu yaabalekulira agho, yaanhaga endhu dh'ataazimba.

Yobu 28:1

“Bwenebwene eriyo ekirombe omusimibwa feeza, yaabaayo n'ekifo ye bakenenulira zaabu.

Zabbuli 119:140

Ebisuubizo byo byesigika, era nze omugheereza wo mbigonza inho!

Zabbuli 18:30

Katonda ono kiisi ky'akola kiba kituufu; kiisi ky'asuubiza akituukiriza, era yaaba ngabo y'abo abamweyuna okubawonia.

Zabbuli 19:8

Ebiragiro bya Musengwa Katonda bituufu, bisangaaza abo ababigondera; amateeka ga Musengwa Katonda matukuvu, gazibula amaiso.

Zabbuli 66:10

Iwe Katonda waife, watugezesa, waatwekebeedha ng'oti ni feeza bw'alongoosebwa.

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Zabbuli 9:13

Wo Musengwa Katonda, nkusaba ondhune! Bona bwe ndaazibwadaazibwa abazigu! Ntoola mu ngalo dha walumbe

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Okuvaayo 6:1

Aye Musengwa Katonda yaakoba Musa ati: “Buti oja kubona kye nja okukola kyabazinga oyo, kuba aja kukakibwa bukakibwe na maani abakobe baje bwenebwene olw'okukakibwa okwo aja na kubabinga bubinge bave mu nsi ye.”

Ensambo 22:23

Kuba Musengwa Katonda aja kubalwanirira, era aja kwesimba mu abo ababatiisatiisa.

Ensambo 30:5

Kiisi Katonda ky'akoba kiba kituufu, era Katonda oyo aba ngabo eri abo abamweyuna okubawonia.

Isaia 14:22

Musengwa Katonda Afuga Amagye akoba ati: “Ndirumba Babiloni naakizikiriza kyerabirwa n'okwerabirwa, ghaabulagho awonagho k'abe omwana oba omwidhukulu. Nze Musengwa Katonda ntyo bwe nkobye.

Isaia 33:10

Musengwa Katonda akoba amaghanga ati: “Mpegaano ndidha kusituka, ndholeke obuyinza bwange n'amaani gange.