Zabbuli 12:3 - Baibuli Ekibono kya Katonda 2014

³ Wo Musengwa Katonda, sirisa abo abasuutiriza banaibwe, n'abo abeesaaka ebiziramu

Zabbuli 12:3 ပူးပေါင်းရင်းမြစ်များ

Yobu 32:22

Kuba tiidhi kusuutiriza, era Omutonzi wange asobola n'okuntoolagho amangu bwe nkola ntyo.”

Zabbuli 116:11

Era nga ndi mu kutya naakoba nti: “Okwesiga omuntu kuba kumala biseera.”

Zabbuli 140:12

Wo Musengwa Katonda, ndidhi nti olwanirira abadaazibwadaazibwa, waalwanirira n'abaavu balobe kunhigirizibwa.

Zabbuli 17:10

Abantu abo bazira kusaasira mu myoyo gyaibwe naire, era mu kanwa baidhwire kwesaakiriza.

Zabbuli 55:22

Ebizibu byo birekere Musengwa Katonda, aidha kukukuuma. Taleka bantu bakola bituufu kughangulwa.

Okuvaayo 15:9

Omuzigu yaakoba mule ati, ‘Ka mbabinge ndidha kubaagaana, ndidha kubatoolaku omunhago nga bwe naaba nhenze; ndidha kutoolayo empiima yange mbazikirize.’

Ensambo 18:21

Omuntu by'ayogera bisobola okwita oba okulamya. Kale abo abenda einho okwogera bali n'okugumira byonabyona ebiva mu bye boogera.

Ensambo 26:24

Omuguya agisa obukyayi bw'ali nabwo ku mwoyo, ng'ayogera ebiwooyawooya.

Isaia 10:10

Era naghaguza naalumba ensi dha bakyabazinga edhisinza ebifaananie ebibaadhe ebikologho okusinga n'ebyo ebyali mu Yerusalemu ni mu Samaria.

Isaia 59:4

Ghaziragho muntu awoza musango mu butuufu ng'ali kukolera ku mazima. Aye muwoza ebiziragho, mwayogera eby'obuguya, memale mwasinga omusango. Mutegeka okukola ebibi era mwamala mwabikola, mwayonoonera irala.

Yeremia 12:6

Abantu bo beene b'oba nabo aghalala n'ab'ekika kyo, baakuliiremu olukwe. Beeyimbye n'abo abakukiriga. Otabeesiganga ni bweboogera ebiwooma bitya.”

Yeremia 9:8

Ebibono bye boogera biri ng'oti kalaso namuzisa, era bya buguya bwereere. Buli muntu alamusa mwine ng'amwendeza emiraala, aye nga mule ali kutegeka kumweteega.

Ezekieli 28:2

“Iwe omuntu, kobera omufuzi ow'e Tiro oti nze Musengwa Katonda ndi kumukoba nti: Olw'okwekudumbaza kw'oli nakwo, weeyeta katonda. Okoba oti niiwe otyama ku kityamo kya bakatonda, eyo ghagati mu nhandha. Ate nga oli muntu buntu toli katonda naire, waire nga weetwala okuba ng'oli katonda mulamba.

Ezekieli 28:9

Obwo era oliba ng'okaakoba oti oli katonda, ng'oli mu maiso g'abo abaja okukwita? Busa naire, bw'oliba ng'oli mu ngalo dhaibwe oliba muntu buntu se ti katonda.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Danieli 7:8

Nali nkeerolera amayiga ago, okuja okulinga nti nga mbona akayiga akatono nga kali kukukunuka okuva mu ago eikumi. Era kaamala kaighagho amayiga asatu ku ago eikumi agaasookagho. Akayiga ako kaaliku amaiso ng'oti ga muntu, era kaabaaku n'omunwa nga guli kwogera eby'okwesuutasuuta.

Malaki 3:13

Musengwa Katonda Akoba ati: “Mwandhogeraku bubi inho. Aye ate mwamala mwabuuza muti, ‘Twakwogeraku tutya obubi?’

2 Petero 2:18

Mu busiru bwaibwe baasiikana nga beesuuta, era baakozesa obudankaanu bwaibwe obw'omubiri okusendasenda abo abaakava obuve mu bantu abakaali mu nsobi.

Yuda 1:16

Abantu bano buli kaseera baba mu kutolooma olw'obutasiima, bageyigeyi, bajiira ku kwegomba kwa mibiri gyaibwe, beesaaka era baasuutiriza abantu nga bali ni kye babendaku.

Okwolekebwa 13:5

Ekisolo kyagheebwa omunwa, kyesaakasaaka era kyavuma Katonda era kyaikirizibwa okuba n'obuyinza okumala emyezi amakumi ana n'ebiri (42).

1 Samueli 2:3

Mulekere agho okwogera nga mwesuuta, mukomye ebibono eby'okwesaaka; kuba Musengwa Katonda ni Katonda aidhwire okumanha, era alamula ebikolwa eby'abantu.