Zabbuli 119:91 - Baibuli Ekibono kya Katonda 2014

⁹¹ Olw'ekiragiro kyo ebintu byonabyona bikaaligho ni ye buli eno, kuba ebintu byonabyona bigheereza mulala iwe.

Zabbuli 119:91 ပူးပေါင်းရင်းမြစ်များ

Amainhama 8:22

Ensi ng'ekaaligho: okusiga n'okukungula, obwinhogovu n'olwota, ebiseera eby'endoboozi n'eby'ekiinhogogo, omusana n'obwire, ebyo byonabyona tibija kuwaagho.”

Isaia 40:26

Mulinge ghaigulu mubone! Naani eyatonda ebyo ebiri ku igulu? Ni Katonda omulala oyo abiduumira ng'oti igye, n'ayeta buli kirala eriina lyakyo. Era nga bw'ali omukologho ow'amaani agataloodheka, ghaziragho waire ekirala kiti ku ebyo ekitabaagho ng'ayese.

Isaia 48:13

Ninze mwene eyataagho omusingi gw'ensi, era nze mwene naabambagho eigulu; bwe mbyeta bivugira era byaidha mangu.

Yeremia 33:25

Aye nze Musengwa Katonda nakola endagaano n'omusana era naakola endagaano n'obwire, nti bibengagho mu kiseera kyabyo ekituufu. Era endagaano eyo ghazira asobola kugimenhagho.

Matayo 5:45

Memale olwo mube abaana ba Iseimwe ali mu igulu ayakiza endhuba ye abalungi n'ababi, n'agwikiza amaadhi ge abo abakolera ku mazima n'abatagakoleraku

Matayo 8:9

Nze zeena ndi muntu atwalibwa, ate ndi n'abaisirukale be ntwala. Era bwe nkoba ono nti, ‘Ja,’ aja n'owundi nti, ‘Idha,’ aidha n'omwiru wange nti, ‘Kola kino,’ akikola.”

Amateeka Agokubiri 4:19

“Mulobenga kusendebwasendebwa kusinza na kugheereza ebyo bye mubona ku igulu: endhuba, omwezi, n'emuunienie. Ebyo Musengwa Katonda waimwe yabitaagho abantu abandi boonaboona abali ku nsi n'ababe babisinzenga.

Abalamuzi 5:20

Emuunienie dhaalwanira ku igulu, dhaalwanisa Sisera nga dhiri mu ngira dhaadho.