Zabbuli 119:67 - Baibuli Ekibono kya Katonda 2014

⁶⁷ Nali ndaaliimye okuva mu ngira entuufu, iwe wankangaivula, aye buti tiva ku kibono kyo.

Zabbuli 119:67 ပူးပေါင်းရင်းမြစ်များ

2 Samueli 10:19

Bakyabazinga boonaboona abaali abagheereza ba Hadadezeri bwe baabona nga Abaisiraeli babaghangwire, baakola endagaano ey'emiraala n'Abaisiraeli, era Abaisiraeli abo baabafuganga. Agho Abasiria baatya okwirayo kabiri okubeera Abammoni.

Zabbuli 119:176

Nadaaliima ng'oti n'entaama eyabula, nkusaba onnoonie ye ndi kuba tyerabiranga biragiro byo.

Zabbuli 119:71

Okukangaivulwa kwange kwankola bukalamu, kuba kwandeetera okwega okukola by'olagira.

Zabbuli 119:75

Wo Musengwa Katonda, ndidhi ng'ensala yo ntuufu eziramu kwekubira, era ndidhi nga wankangaivula kuba oli mwesigwa mu by'osuubiza.

Ensambo 1:32

Abazira kye baidhi bafa lwa butenda kugalagirwa, abasiru baazikirira lwa butafaayo.

Yeremia 22:21

Musengwa Katonda yayogera n'imwe ng'ebintu bikaabajiira bukalamu, aye mwaloba kuwulirisa. Era mutyo bwe mubaire mukolanga buliidho, mwalobera irala okugondera by'akoba.

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Okwolekebwa 3:10

Olw'okuba waguminkiriza mu kudaazibwadaazibwa nga bwe nakulagira, ndidha kukuwonia ekiseera eky'okulebwa ekija okwidhira ensi yoonayoona okuleba abo abali ku nsi.