Zabbuli 119:58 - Baibuli Ekibono kya Katonda 2014

⁵⁸ Nkweghembye n'omwoyo gwange gwonagwona, ongemerwe ekivunika nga bwe wansuubiza.

Zabbuli 119:58 ပူးပေါင်းရင်းမြစ်များ

1 Bakyabazinga 13:6

Agho kyabazinga Yeroboamu yaakoba omulanzi ati: “Weeghembe Musengwa Katonda wo onsabire, omukono gwange gwiregho.” Omulanzi yeeghemba Musengwa Katonda, omukono gwa kyabazinga ogwo gwairagho, gwaba mu mbeera yaagwo eyabuliidho.

Yobu 11:19

Oidha kutendukanga nga ghazira akutiisa; abantu kamaala baidha kukusabanga obuyambi.

Zabbuli 119:10

Nfuba inho okukugheereza n'omwoyo gwange gwonagwona, otandeka kuva ku biragiro byo.

Zabbuli 119:145

Wo Musengwa Katonda, nkweta n'omwoyo gwange gwonagwona nga nkweghemba; ndhiraamu, olwo ndidha kugonderanga by'olagira.

Zabbuli 119:170

Ganha owulire okusaba kwange, ontoole mu ngalo dh'abazigu nga bwe wasuubiza.

Zabbuli 119:41

Wo Musengwa Katonda, ndaga nga bw'ongonza einho, ondokole nga bwe wansuubiza.

Zabbuli 119:65

Wo Musengwa Katonda, ombisiiza bukalamu nze omugheereza wo, nga bwe wansuubiza.

Zabbuli 119:76

Nkusaba ongumye ng'ongonza obutalekera, nga bwe wansuubiza nze omugheereza wo.

Zabbuli 138:2

Neeyala ghansi nga ningiriire eisinzizo lyo eitukuvu naasaaka eriina lyo, olw'okungonza einho obutalekera n'olw'okuba omwesigwa, era n'olw'okuba ogulumiza eriina lyo n'ebiragiro byo okusinga ebintu ebindi byonabyona.

Zabbuli 27:8

Wankoba oti: “Idha onsinze.” Mpegaano nze nkoba nti: “Musengwa Katonda, ndidhie okukusinza

Zabbuli 4:6

Abantu kamaala bakoba bati: “Wo! Tugwana twafuna bikalamu byereere! Wo Musengwa Katonda, tulingeku n'amaiso ag'ekisa!”

Zabbuli 56:10

Iwe Katonda wange nkusaaka olw'ebyo by'onsuubiza; Iwe Musengwa Katonda nkusaaka olw'ebyo by'onsuubiza,

Zabbuli 56:4

Iwe Katonda wange nkusaaka olw'ebyo by'onsuubiza, era nkwesiga nga nzira kintiisa. Omuntu obuntu katyo asobola kunkola ki?

Hosea 7:14

Tibansabangaku na mwoyo mulala, aye beetandigira bwa bigwo ku itaka baawowoola ng'oti n'abataidhi Katonda. Era bwebasaba engaano n'omwenge ogw'emizabbibu, beesalasala ku mubiri ng'oti n'abatatya Katonda bwe bakola. Aye nze bandheemera budheemere!

Matayo 24:35

Eigulu n'ensi biriwaagho aye ebibono byange tibiriwaagho.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.