Zabbuli 119:57 - Baibuli Ekibono kya Katonda 2014

⁵⁷ Wo Musengwa Katonda, niiwe ekirungi kyonka kye ndi nakyo; nkusuubiza okugemanga ebiragiro byo.

Zabbuli 119:57 ပူးပေါင်းရင်းမြစ်များ

Zabbuli 119:106

Neeyamye era tija kwerabira okujiiranga ku nsala yo entuufu eziramu kwekubira.

Zabbuli 119:115

Muve ghe ndi imwe abakozi b'ebibi, nze ngeme ebiragiro bya Katonda wange.

Zabbuli 119:2

Ba nkabi abo abakola kiisi Musengwa Katonda ky'abakoba, ni bajiira ku by'abagalagira n'omwoyo gwonagwona

Zabbuli 142:5

Wo Musengwa Katonda, nkulirira oidhe ombeere; niiwe onkuuma era niiwe wenka ye neesiga mu nsi muno.

Zabbuli 16:5

Musengwa Katonda n'ekirungi kyonka kye ndi nakyo, oyo n'ekikopo ekyantegekerwa okunhwa, era obulamu bwange buli mu ngalo dhe.

Zabbuli 66:14

ebyo bye nasuubiza okukugha bwe nali nga ndi mu buzibu.

Zabbuli 73:26

Waire omubiri gwange n'omwoyo binafugha, Katonda n'amaani gange era oyo n'omugabo gwange ebyanda n'ebyanda.

Yeremia 10:16

Aye Katonda wa Yakobo tali ng'oti ni byene, kuba n'eyakola ebintu byonabyona. Era yaalonda Isiraeli okuba eighanga erirye ku bubwe. Eriina lye ni Musengwa Katonda Afuga Amagye.

Okulira 3:24

Nkiidhi bukalamu mu mwoyo gwange nti Musengwa ye neesiga ku nsi. Olw'ekyo eisuubi lyange liri mu oyo.

Amateeka Agokubiri 18:2

Tibaabenga na itaka lya nsikirano ng'ab'ebika ebindi. Omugabo gwaibwe gunaabanga mu kuba bakabona ba Musengwa Katonda, nga Musengwa Katonda bweyasuubiza.

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

Yoshua 24:18

Yabingangho Abamori abaabanga ghano. Kale twena twidha kugheerezanga Musengwa Katonda, kuba oyo ni Katonda waife.”

Yoshua 24:21

Abantu baakoba Yoshua bati: “Busa, ife tuja kugheerezanga Musengwa Katonda.”