Zabbuli 119:4 - Baibuli Ekibono kya Katonda 2014

⁴ Wo Musengwa Katonda, niiwe wataagho amateeka go era waalagira gakuumibwe butiribiri.

Zabbuli 119:4 ပူးပေါင်းရင်းမြစ်များ

Ezera 7:21

“Era nze kyabazinga Arutazerizesi ndi kugha ekiragiro abaghanika ab'ebiketezo Siria ni Foenikia, nti Ezera kabona eyasoma n'akuguka mu Mateeka ga Katonda ow'eigulu, bamughenga buli kintu kyonakyona ky'anaasabanga bakimukolerenga, aghazira kwegemya nsonga yoonayoona.

Okuvaayo 7:6

Musa ni Aaroni baakola nga Musengwa Katonda bweyabalagira.

Yeremia 7:23

Aye nabalagira kino nti, ‘Mumpulirenga, olwo nze ndidha kubanga Katonda waimwe, imwe mube bantu bange. Mujiirenga ku mateeka ge mbagha, olwo byonabyona biidha kubajiiranga bukalamu.’

Ezekieli 20:19

Nze Musengwa Katonda ninze Katonda waimwe, mujiirenga ku mateeka gange era mukolenga bye ndagira.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Yoanne 14:15

“Oba nga mungonza, mugemenga ebiragiro byange.

Yoanne 14:21

Oyo aganha ebiragiro byange era n'abigema, aba nga n'oyo angonza. Lata wange agonza oyo angonza, zeena naamugonza, era Lata wange oyo amweyolekeramu.”

Amateeka Agokubiri 11:13

“Kale ni mufubenga okutuukiriza ebiragiro, bye mbaghaire olwaleero. Mugonzenga Musengwa Katonda waimwe, mumugheerezenga n'omutima gwaimwe gwonagwona, n'omwoyo gwaimwe gwonagwona.

Amateeka Agokubiri 11:22

“Mukuumenga amateeka ge mbateereiregho obutagavangaku, nga mugonza Musengwa Katonda waimwe, nga mujiira ku ebyo by'abalagira, era nga muba beesigwa y'ali.

Amateeka Agokubiri 12:32

“Mufubenga okutuukiriza buli kye mbalagira. Mutabangaku kye mwongeraku, waire kye mukendeezaaku.

Amateeka Agokubiri 30:16

Kuba ndi kubalagira olwaleero okugonzanga Musengwa Katonda waimwe, n'okujiiranga ku by'abagalagira, n'okukuumanga amateeka ge n'ebiragiro bye byonabyona. Olwo mughange okubanga abalamu, muzaalenga mweyongere obungi, era Musengwa Katonda waimwe abaghenga enkabi mu nsi ye muja okutwala.

Amateeka Agokubiri 4:1

Musa yaayongera okukoba Abaisiraeli ati: “Agho ni muwulirenga amateeka n'ebiragiro bye ndi kubeegeresa mubituukirizenga, olwo mughange okuba abalamu, mwingire mu nsi Musengwa Katonda, Katonda wa badhaadha baimwe y'ali kubagha, era mugitwale.

Amateeka Agokubiri 4:9

“Aye mwegenderezenga era mwekuumenga, mulobe kwerabiranga mu bulamu bwaimwe bwonabwona, ebyo imwe beene bye mweboneraku n'agaimwe. Mukoberenga abaana n'abaidhukulu

Amateeka Agokubiri 6:17

Mwegenderezenga okukuuma ebiragiro n'amateeka n'okulamba, Musengwa Katonda waimwe bye yabagha.

Amateeka Agokubiri 6:3

Imwe Abaisiraeli muwulire: mwegendereze okutuukirizanga ebyo, musobole okubanga obukalamu era mweyongerenga okuba abangi einho era ab'amaani, nga muli mu nsi eyo engimu era erimu ebirungi kamaala, nga Musengwa Katonda, Katonda wa badhaadha baimwe bweyasuubiza.

Yoshua 1:7

Iwe ky'oli n'okukola, n'okuba n'obumalirivu era n'obutatya nga weegendereza okugondera amateeka goonagoona, omugheereza wange Musa ge yakugha. Togavangaku waire akatono kati, olwo buli kintu kiidha kukujiiranga bukalamu woonawoona.

1 Yoanne 5:3

kuba okugonza Katonda n'okuwulira ebiragiro bye, ate ebiragiro bye ti bikalangafu.