Zabbuli 119:32 - Baibuli Ekibono kya Katonda 2014

³² Ndidha kwangughangaku okukola ng'ebiragiro byo bwe binkoba, ng'ogaziiya okutegeera kwange.

Zabbuli 119:32 ပူးပေါင်းရင်းမြစ်များ

Amainhama 26:22

Eyo yaavaayo, yaasima ensulo eyindi, baaloba kugikaayanira; yaagituuma eriina Rehobothi. Yaakoba ati: “Mpegaano Musengwa Katonda atughaire aghagazi, twidha kwala mu nsi.”

1 Bakyabazinga 4:29

Katonda yaagha Solomoni amagezi n'okutegeera mu nsambo eswikiriire, era n'obwongo obungi ng'oti musenho gwa ku mbali kwa nhandha.

Zabbuli 119:45

Era ndidha kutambulanga nga neetaaya, kuba nfuba inho okujiira ku mateeka go ago.

Zabbuli 18:36

Ogha ebigere byange okwetaaya nga ghazira angemaku, byaloba kutyerera ni ngwa.

Olwembo 1:4

Ntwala y'oli kuja tuve ghano mangu, onhingize ewuwo iwe kyabazinga wange. Twidha kusangaala tusagambire ghalala n'iwe; era tusaake inho okugonza kwo, kuba kusinga omwenge ogw'emizabbibu. Abakwegomba batuufu okukwegombanga.

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Isaia 60:5

Olibona ekyo waasangaala; omwoyo gwakupakukapakuka olw'eisanhu. Kuba obukombe obw'amaghanga balibukuleetera; ebintu ebingi einho baabibisa ku nhandha byafuuka bibyo.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Yoanne 8:32

Mulimanha amazima era amazima galibafuula ab'eidembe.”

Yoanne 8:36

Kale Omwana bw'alibafuula ab'eidembe muliba ba idembe beenebeene.

2 Ab'e Korintho 3:17

Musengwa ni Mwoyo, era Mwoyo wa Musengwa gh'aba, ghaba eidembe.

2 Ab'e Korintho 6:11

Bakagwa baife ab'e Korintho, tubakobeire byonabyona nga bwe biri, ghazira kiri mu myoyo gyaife kye tubagisiisa.

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

1 Petero 2:16

Mubenga ba idembe, aye mulobe kweyambisa idembe eryo mu kukola bubi. Mubenga bagheereza ba Katonda.