Zabbuli 119:31 - Baibuli Ekibono kya Katonda 2014

³¹ Wo Musengwa Katonda, neekalanguliire ku kukola by'okoba; mponia okuswala.

Zabbuli 119:31 ပူးပေါင်းရင်းမြစ်များ

Zabbuli 119:115

Muve ghe ndi imwe abakozi b'ebibi, nze ngeme ebiragiro bya Katonda wange.

Zabbuli 119:48

Ebiragiro byo mbyenda inho era mbigha ekitiisa; ndidha kwefumintirizanga ku ebyo by'olagira.

Zabbuli 119:6

Olwo tyandiswaziibwa, kuba omwoyo gwange gwonagwona gwandibaire ku biragiro byo byonka.

Zabbuli 119:80

Nkusaba ombeere okugema ebiragiro byo n'omwoyo gwange gwonagwona, ndobe kuswala.

Zabbuli 25:2

Katonda wange, niiwe ye neesiga, mponia okuswala otaganha bazigu bange kuneeyagaliraku.

Zabbuli 25:20

Kuuma obulamu bwange era omponie, kuba niiwe ye neesiga, otandeka kuswala!

Ensambo 23:23

Oghangayo empiiya waagula amazima, n'amagezi, n'okugalagirwa, n'okutegeera, aye otabitundanga naire.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Yeremia 17:18

Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

Yoanne 8:31

Yesu yaakoba Abayudaaya abaamwikiriza ati: “Bwe mukalangukira ku kibono kyange, ng'olwo muli beegeresebwa bange beenebeene.

Ebikolwa by'Abatume 11:23

Bwe yatuukayo n'abona Katonda bw'aghaire abantu abo enkabi, yaasangaala. Yaabakubiriza boonaboona bakalangukire ku Musengwa n'omwoyo mulala.

Ab'e Roma 5:5

Eisuubi lino tirituswaza, kuba Katonda ayugha okugonza kwe mu myoyo gyaife ku lwa Mwoyo Mutukuvu ye twagheebwa.

Amateeka Agokubiri 10:20

Mutyenga Musengwa Katonda waimwe, era yenka ye mube musinzenga. Mubenga beesigwa y'ali, era eriina lye lyonka, lye mube mulayirenga.

Amateeka Agokubiri 11:22

“Mukuumenga amateeka ge mbateereiregho obutagavangaku, nga mugonza Musengwa Katonda waimwe, nga mujiira ku ebyo by'abalagira, era nga muba beesigwa y'ali.

Amateeka Agokubiri 4:4

Aye imwe abaagumira ku Musengwa Katonda waimwe, mukaali balamu ni leero.

1 Yoanne 2:28

Kale baana bange, musigale nga mukaali naye, bw'alyeyoleka tube bagumu tulobe kugemebwa nsoni mu maiso ge.