Zabbuli 119:24 - Baibuli Ekibono kya Katonda 2014

²⁴ Mba musangaavu okukola nga bw'onkoba, kuba by'onkoba n'ebimpa amagezi.

Zabbuli 119:24 ပူးပေါင်းရင်းမြစ်များ

Yobu 27:10

Ti n'omuntu asanhukira einho okusinza oyo Aghanga Ebintu Byonabyona, n'okumweghemba ekiseera kyonakyona.

Zabbuli 119:143

Ebizibu n'obweraliikirivu ndi na kamaala, aye okugema ebiragiro byo kunsangaaza.

Zabbuli 119:16

Ndidha kubanga musangaavu okukola iwe by'olagira, era tyerabirenga kibono ky'onkobye.

Zabbuli 119:162

Nsagamba inho olw'ebyo bye wasuubiza, naaba ng'oti n'ole agwire mu by'obukombe kamaala.

Zabbuli 119:77

Nsaasira ompe obulamu, kuba mba musangaavu okujiira ku mateeka go.

Zabbuli 119:92

Nguli amateeka go ti n'agandeetera okuba omusangaavu, nandibaire nga nazikirira bwe nadaazibwadaazibwa.

Zabbuli 19:11

Ate era mu kusala omusango okwa iwe Musengwa Katonda, ole akugondera mw'alabulirwa, n'ole akwekuuma mw'afunira empeera enene.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Yeremia 6:10

Nze nairamu nti: “Ni baani be nnaayogera nabo ni bampulirisa mbalabule? Baakalangusa emyoyo gyaibwe, tibenda kuwulira by'okoba. Obukwenda bw'ontuma okubakobera babusekerera, baaloba kubusanhukira naire.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

Yoshua 1:8

Ebiri mu kitabo kino eky'Amateeka bitakuvanga ku munwa. Bisomenga omusana n'obwire era ng'ogondera byonabyona ebyaghandiikibwamu. Olwo ebintu byonabyona biidha kukujiiranga bukalamu ng'ezira kikulema.