Zabbuli 119:22 - Baibuli Ekibono kya Katonda 2014

²² Balekeze okunvumanga n'okuunhoomereranga, kuba nze neekuumye nga nkola by'okoba.

Zabbuli 119:22 ပူးပေါင်းရင်းမြစ်များ

Yobu 16:20

Bakagwa bange baanhooma, aye ye Katonda ye numukira nga ndira amaziga.

Zabbuli 119:39

Mponia okuvumibwa kwe ntya ekibitiriire; kuba ensala yo ntuufu yeeneyeene.

Zabbuli 119:42

Olwo ndidha kwiramu abo abandheeyereza, kuba neesiga ekisuubizo kyo.

Zabbuli 37:3

Weesige Musengwa Katonda era okole ebirungi, oidha kuba bukalamu mu nsi era ghabule ekikweraliikiriza.

Zabbuli 37:6

Aidha kwoleka nga bw'oziraku omusango, n'obutuufu bwo bumesunkane ng'endhuba ey'omu kasana ghagati.

Zabbuli 39:8

Ntoola mu kwonoona kwange kwonakwona, omponie okufuuka enseko dh'abasiru.

Zabbuli 42:10

Abazigu bange, bandi ng'oti ibwa lya ku mwoyo. Bandheeyereza n'ebivumo, eno bwebandeeba buli kiseera, bati: “Katonda wo ali gha?”

Abaheburayi 13:13

Kale tuje y'ali ku luya kw'ekibuga tugabane ku kuswala kwe.

1 Petero 2:20

Naani abasaaka bwe muguminkiriza nga mubonerezeibwa olw'okukola obubi? Aye bwe muguminkiriza nga mudaazibwadaazibwa olw'okukola obukalamu, musiimibwa Katonda.

1 Samueli 25:10

Agho Nabali yairamu abagheereza ba Daudi abo, ng'akoba ati: “Daudi naani? Mutabane wa Yesse naani? Enaku dhino ghaligho abagheereza kamaala abeiba ku basengwa baibwe ni babalumukaku.

1 Samueli 25:39

Daudi bwe yawulira nga Nabali afiire, yaakoba ati: “Musengwa Katonda asaakibwe, oyo eyeesasuliiza ku Nabali eyanvuma, era asaakibwe olw'okunkuuma nze omugheereza we ni ndoba okugwa mu kibi. Buti Musengwa Katonda oyo abonereiza Nabali olw'ekibi kye.” Agho Daudi yaayetesa Abigaili, ng'amukobya abe mukazi we.