Zabbuli 119:144 - Baibuli Ekibono kya Katonda 2014

¹⁴⁴ By'okoba byonabyona bituufu, biziramu kwekubira ebyanda n'ebyanda; mpa okubitegeeranga nsobole okuba omulamu.

Zabbuli 119:144 ပူးပေါင်းရင်းမြစ်များ

Zabbuli 119:138

Bye wakoba byonabyona bituufu, byesigika ekiseera kyonakyona.

Zabbuli 119:151

Aye iwe Musengwa Katonda ondi kumpi, n'ebiragiro byo bituufu lubeerera.

Zabbuli 119:152

Okuva eira nayega by'olagira; naamanha nga wabitaagho bibeegho ebyanda n'ebyanda.

Zabbuli 119:169

Wo Musengwa Katonda, nkweghemba owulire kye nsaba, ompe okutegeera nga bwe wasuubiza.

Zabbuli 119:17

Wo Musengwa Katonda, ndhughaaku enkabi dho nze omugheereza wo, mbenga mulamu era ngonderenga ebiragiro byo.

Zabbuli 119:34

Ngalagira ntegeere amateeka go; ndidha kugagonderanga n'omwoyo mulala.

Zabbuli 119:66

Nkusaba ompe okumanha n'okusalangagho ekituufu, kuba neesiga ebiragiro byo.

Zabbuli 119:73

Niiwe wampumba n'engalo dho wantaagho, nkusaba ompe okutegeera, memale ndhege ebiragiro byo kye binkoba.

Zabbuli 19:9

Okutya Musengwa Katonda kulungi; era kuligho ebyanda n'ebyanda. Okusala omusango okwa Musengwa Katonda tikubaamu kwekubira; era kuba kutuufu buliidho.

Ensambo 10:21

Ebibono eby'omutuufu bigasa abantu kamaala, aye abasiru bafa mangu olw'okubulamu akategeera.

Ensambo 4:4

omuzaire wange yandhegeresanga ati: “Idhukiranga bye nkukoba, era otabyerabiranga. Bw'onaagemanga bye nkulagira oidha kubanga mulamu.

Ensambo 7:2

Bw'onaagemanga bye nkulagira oidha kuba mulamu. Era bye nkwegeresa bikuumenga, ng'oti bw'okuuma emboni ey'eriiso lyo.

Isaia 27:11

Ensaga dh'emiti gyamu bwe dhikala, abakazi badhikookola, baadhigherera ng'enku. Era ng'abantu abo bwe baziramu naire akategeera, Katonda eyabatonda talibasaasira waire okubagemerwa ekivunika.

Yeremia 4:22

Musengwa Katonda akoba ati: “Abantu bange basiru tibandidhi naire. Basiru ng'oti bwa baana bato; baziramu kutegeera naire. Bakugu mu kukola ebibi, aye tibaidhi kukola birungi.”

Danieli 12:10

Abantu kamaala balinaazibwa, baatukuzibwa era baizibwa buyaaka. Aye ababi balyeyongera bwa kukola bibi, era ezira waire omulala ati ku babi abo alitegeera. Aye abagezi balitegeera.

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Matayo 13:19

Yeenayeena awulira ekibono eky'Obwakyabazinga n'atakitegeera, ali ng'oti n'ensigo eyagwa ku ngira omubi aidha yaswankula ekyo ekisigiibwa mu mwoyo gwe.

Matayo 5:18

Bwenebwene mbakobera nti, okutuusa ng'eigulu n'ensi biwoiregho, enukuta endala waire akatoonheze akalala, tibiridibizibwa mu Mateeka, okutuusa nga byonabyona bibairegho.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.