Zabbuli 119:142 - Baibuli Ekibono kya Katonda 2014

¹⁴² Oli mutuufu ebyanda n'ebyanda, n'amateeka go matuufu lubeerera.

Zabbuli 119:142 ပူးပေါင်းရင်းမြစ်များ

Zabbuli 119:144

By'okoba byonabyona bituufu, biziramu kwekubira ebyanda n'ebyanda; mpa okubitegeeranga nsobole okuba omulamu.

Zabbuli 119:151

Aye iwe Musengwa Katonda ondi kumpi, n'ebiragiro byo bituufu lubeerera.

Zabbuli 119:160

Ekibono kyo n'amazima geene, n'ensala yo yoonayoona ntuufu eziramu kwekubira ebyanda n'ebyanda.

Zabbuli 19:9

Okutya Musengwa Katonda kulungi; era kuligho ebyanda n'ebyanda. Okusala omusango okwa Musengwa Katonda tikubaamu kwekubira; era kuba kutuufu buliidho.

Zabbuli 36:6

Obutuufu bwo bugulumivu ng'oti nsozi, ate ensala yo ey'amazima eika yaatuuka ku ntobo ey'enhandha. Niiwe owonia abantu n'ensolo obutagwa mu kabi.

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Isaia 51:8

kuba baliwaagho ng'oti n'ekivaalo ekiriiriibwa ensiriri oba enseete. Aye obulokozi bwange bwe ndeeta bwidha kubangagho byanda na byanda, mbawonienga aghazira kulekera.”

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Yoanne 17:17

Batukuze n'amazima ekibono kyo n'amazima.

Ab'Efeso 4:21

Nkakasa nga mwamuwuliraku, era imwe ng'ababe, mwayegeresebwa amazima agali mu Yesu.