Zabbuli 119:130 - Baibuli Ekibono kya Katonda 2014

¹³⁰ Omuntu bw'ainhonholwa ebibono byo afunamu obutangaavu n'ole azira magezi yaafunamu amagezi.

Zabbuli 119:130 ပူးပေါင်းရင်းမြစ်များ

Zabbuli 119:105

Ekibono kyo n'eitaala eriimuliikirira ghe mbita, ni mbona engira.

Zabbuli 119:34

Ngalagira ntegeere amateeka go; ndidha kugagonderanga n'omwoyo mulala.

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Zabbuli 19:8

Ebiragiro bya Musengwa Katonda bituufu, bisangaaza abo ababigondera; amateeka ga Musengwa Katonda matukuvu, gazibula amaiso.

Ensambo 1:4

Dhireetera omuntu azira ky'aidhi okufuna amagezi, n'omwisuka okumanha ekigwaine okukolebwa.

Ensambo 6:23

Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

2 Petero 1:19

Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.