Zabbuli 119:129 - Baibuli Ekibono kya Katonda 2014

¹²⁹ By'okoba bikalamu inho kyenva ni mbigondera n'omwoyo gwange gwonagwona.

Zabbuli 119:129 ပူးပေါင်းရင်းမြစ်များ

Zabbuli 119:146

Nkweghembye mponia abazigu, nsobole okukolanga by'okoba.

Zabbuli 119:18

Nzibula amaiso, nsobole okubona endhegeresa eyewuunhisa eri mu mateeka go.

Zabbuli 119:2

Ba nkabi abo abakola kiisi Musengwa Katonda ky'abakoba, ni bajiira ku by'abagalagira n'omwoyo gwonagwona

Zabbuli 119:31

Wo Musengwa Katonda, neekalanguliire ku kukola by'okoba; mponia okuswala.

Zabbuli 139:6

Okuntegeera kwo okwaga agho kuneewuninkiriza, era kuswikiriire amagezi gange.

Zabbuli 25:10

Okugonza kwa Musengwa Katonda okungi n'obwesigwa bwe, byeyolekera mu nsambo y'atwalamu abo abakuuma endagaano ye era ni bagondera ebiragiro bye.

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.