Zabbuli 119:126 - Baibuli Ekibono kya Katonda 2014

¹²⁶ Wo Musengwa Katonda, ekiseera kituuse obeeku ni ky'okola, kuba abantu bamenha amateeka go.

Zabbuli 119:126 ပူးပေါင်းရင်းမြစ်များ

Amainhama 22:14

Aburahamu yaatuuma ekifo ekyo eriina “Musengwa Katonda atugha.” Era ni leero abantu bakoba bati ku lusozi lwa “Musengwa atugha.”

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

Zabbuli 102:13

Olisitukiramu, waidha waagemerwa Sioni ekivunika; ekiseera kituuse eky'okulinga ku Sioni n'ekisa; eno n'esaawa entuufu.

Zabbuli 102:14

Abagheereza bo bagonza inho Sioni waire nga kyazikirizibwa; era bakirumirwa inho waire nga kyasigala bwa bifunfugu.

Zabbuli 9:19

Wo Musengwa Katonda, idha! Otaganha bantu kukunhooma! Abatatya Katonda boonaboona baleete gh'oli, obasalire omusango.

Isaia 42:14

Katonda akoba ati: “Mmaze ekiseera nga nsiriike busirike, naaba muguminkiriza era neefuga. Aye mpegaano nja kwasiikana ng'oti n'omukazi ali kulumwa okuzaala, asika omuuka nga tigwidha n'alakalaka obulakelake.

Yeremia 8:8

Musobola mutya okukoba muti, ‘Tuli bagezi, era twidhi amateeka ga Musengwa Katonda,’ aye ng'ate abanamateeka baagafuulaniafuulania, gaafuuka ga buguya?

Habakkuku 1:4

Amateeka tigakaakola era abantu tibakaajiira ku butuufu bwa nsonga. Abakozi ab'ebibi basinga abatuufu emisango lwa kusaliriza kwa balamuzi. Mu nsambo eyo bavuluga obutuufu obw'ensonga.

Malaki 2:8

“Aye ate kabiri imwe bakabona mwava ku ngira entuufu, mwadaaliima. Mwaleetera abantu kamaala okukola ebibi, olw'ebyo bye mwegeresa, era mwamenha endagaano ye nakola n'imwe, baidhukulu ba Levi.

Matayo 15:6

aba takeetaaga kuta kitiisa mu Ise.’ Mu ngeri eyo ekibono kya Katonda mwakidibya olw'empisa ya badhaadha baimwe.

Ab'e Roma 3:31

Mperaano okwikiriza kitegeeza kudibya Mateeka? Busa naire, tugagumya bugumye.

Ab'e Roma 4:14

Kuba nguli abo abagema Amateeka n'abagheebwa ebyo Katonda bye yasuubiza bonka, okwikiriza kwandibaire kwa busa, n'ebyo Katonda bye yasuubiza tibyandigasiisa.

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.