Zabbuli 119:103 - Baibuli Ekibono kya Katonda 2014

¹⁰³ By'ondhegeresa bidhuudhuula, bwene byasinga n'omudheenene ogw'endhuki!

Zabbuli 119:103 ပူးပေါင်းရင်းမြစ်များ

Yobu 23:12

Nkola by'andagira; naajiira ku by'ayenda, se ti ebyo nze bye neegomba.”

Zabbuli 19:10

Okusala omusango okwa Musengwa Katonda kwegombebwa okusinga zaabu, waire zaabu ole omukenenule; kudhuudhuula okusinga omudheenene, waire gule ogutoonha obutoonhe okuva mu bisasala.

Zabbuli 19:11

Ate era mu kusala omusango okwa iwe Musengwa Katonda, ole akugondera mw'alabulirwa, n'ole akwekuuma mw'afunira empeera enene.

Zabbuli 63:5

Ndidha kuwuliranga mule bukalamu ng'oti n'omuntu aliire ku mbaga ensavu, era ndidha kukusaakanga n'eisanhu.

Ensambo 2:10

Oidha kubanga mugezi, era okumanha kwidha kukusangaazanga.

Ensambo 3:17

Amagezi galeetera omuntu okuba mu bulamu obukalamu, era gaamuleetera okububaamu mu miraala.

Ensambo 8:11

Amagezi ga mughendo inho okuwula amabaale ag'omughendo, era mu bintu byonabyona ebyegombebwa ezira kisobola kugeefaanaanirizaaku.”

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Ezekieli 3:3

Era yankoba ati: “Iwe omuntu, lya enzingo ey'ekitabo eyo ye nkughaire ekutuuke mu nda ekwigute.” Agho naagirya era mule mu kanwa yaadhuudhuula ng'oti mudheenene gwa ndhuki.

Okwolekebwa 10:10

Agho naatoola akazingo akatono mu ngalo dha malaika naakalya, mu kanwa kaadhuudhuula ng'oti mudheenene gwa ndhuki. Aye bwe namala okukalya kankaayirira mu nda.