Zabbuli 116:15 - Baibuli Ekibono kya Katonda 2014

¹⁵ Musengwa Katonda atwala okufa okw'abantu be abamutya nga kwa mughendo inho.

Zabbuli 116:15 ပူးပေါင်းရင်းမြစ်များ

Yobu 5:26

Olifa waateebwa mu magombe ng'omaze okughangaala waawola, ng'oti n'engaano ye bakungwire mu biseera byayo ebituufu, n'ereetebwa ekubwe.

Zabbuli 72:14

Abatoola ku abo ababadaazadaaza; n'ababakola eby'obukambwe, obulamu bwaibwe yaabutwala nga bwa mughendo inho y'ali.

Luka 16:22

“Ekiseera kyatuuka, omusaadha omwavu yaafa, bamalaika baamutwala mu kifo Aburahamu mwe yali. Omukombe yeena yaafa, yaaziikibwa.

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.

Okwolekebwa 14:3

Baayemba olwembo mu maiso ag'ekityamo eky'obwakyabazinga, n'ag'ebitonde ebiramu ebina (4), n'ag'abakulembeze. Olwembo olwo nga luyaaka era nga ghazira wundi asobola kulwega, okutoolaku abo bonka emitwalo eikumi n'ena n'enkumi eina (144,000), abaali bamaze okununulwa mu nsi.

1 Samueli 25:29

Bwe ghanaabangagho asituka okukuyiigania ng'ayenda okukwita, Musengwa Katonda wo aidha kukukuumanga ng'oti n'omuntu bw'akuuma eky'obukombe eky'omughendo. Aye abazigu bo, Musengwa Katonda aidha kubakonhoogereranga ng'oti n'omuntu bw'akonhoogerera amabaale mu nsuumulo.