Zabbuli 115:10 - Baibuli Ekibono kya Katonda 2014

¹⁰ Imwe bakabona abagheereza Katonda, mwesigenga Musengwa Katonda! Oyo n'ababeera era n'abakuuma.

Zabbuli 115:10 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Zabbuli 118:3

Bakabona abagheereza Katonda ka bakobe bati: “Okugonza kwe tikukoma kubaagho byanda na byanda.”

Okuvaayo 28:1

Agho Musengwa Katonda yaalagira Musa ati: “Mu bantu boonaboona Abaisiraeli oidha kulondamu Aaroni muganda wo, ni batabane, Nadabu, ni Abihu, ni Eleazari, ni Ithamari, obaawule bampeereze nga bakabona.

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Okubala 16:5

Bwe yamala, yaakoba Kora ni baine boonaboona ati: “Enkyo Musengwa Katonda aidha kutwoleka oyo owuwe atuukiriire, era oyo aidha kumuseesa kumpi ni mwene. Oyo y'anaalonda aidha kumuseesa kumpi ni mwene.

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”