Zabbuli 113:4 - Baibuli Ekibono kya Katonda 2014

⁴ Musengwa Katonda n'afuga amaghanga goonagoona, n'ekitiisa kye kisinga n'eigulu.

Zabbuli 113:4 ပူးပေါင်းရင်းမြစ်များ

1 Bakyabazinga 8:27

“Aye obwo bwenebwene iwe Katonda oghanga okuba ku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

Zabbuli 148:13

Boonaboona ka basaake eriina lya Musengwa Katonda, kuba eriina lye n'erisinga agandi goonagoona obukologho; ekitiisa kye kiri ghaigulu okusinga ensi n'eigulu.

Zabbuli 8:1

Wo Musengwa Katonda waife, eriina lyo nga ikulu inho mu nsi yoonayoona! Ekitiisa kyo ekiswikirira eigulu lyonalyona,

Zabbuli 97:9

Wo Musengwa Katonda, niiwe oli ghaigulu yeene, ofuga ebintu byonabyona eby'oku nsi; oli mukologho okusinga bakatonda ab'amaghanga agandi boonaboona.

Zabbuli 99:2

Musengwa Katonda mukologho mu Sioni; atiibwa ensi dhoonadhoona.

Isaia 40:15

Bona eno, Musengwa Katonda abona amaghanga goonagoona nga gaziramu muzindo, ng'oti n'eitondo obutondo ery'amaadhi. Era abona ebizinga nga biwewufu ng'oti nkungu bukungu.

Isaia 40:17

Amaghanga goonagoona gali oti ti kintu naire mu maiso ge, gali bwa biwooboloolo.

Isaia 40:22

Kale ni bwenebwene Katonda oyo n'atyama ghaigulu gh'ensi eneetooloovu. Abantu abagibaaku baboneka nga batini ng'oti masisi. Katonda oyo yabambagho eigulu ng'oti lutimbe, yaalyandhuluza ng'oti weema ya kubaamu.

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?