Zabbuli 111:9 - Baibuli Ekibono kya Katonda 2014

⁹ Yanunula abantu be, yaakola nabo endagaano etavaagho ebyanda n'ebyanda. Eriina lye itukuvu era litiibwa.

Zabbuli 111:9 ပူးပေါင်းရင်းမြစ်များ

2 Samueli 23:5

Bwenebwene atyo Katonda bw'ali eri ab'olulyo lwange, kuba yakola ninze endagaano ey'olubeerera, endagaano ensengeke obukalamu era etalivaagho. Nkakasa nti aidha kumbeeranga mu buli kintu, era ampenga byonabyona bye nhenda.

1 Ebyomubyanda 16:15

Akuuma endagaano ye ebyanda n'ebyanda, yaagumira ku kibono kye yasuubiza ni bweghabitagho ense olukumi (1,000).

Zabbuli 111:5

Abo abamutya abafunira eky'okulya, era tiyeerabira ndagaano ye.

Zabbuli 89:7

Niiwe Katonda atiibwa abatukuvu boonaboona abatyama mu igulu; era omukologho atiisa ebyo byonabyona ebimwezungulwire.

Zabbuli 99:3

Abantu boonaboona ka basaake eriina lye eikulu eritiibwa, kuba mutukuvu!

Zabbuli 99:5

Musaake Musengwa Katonda waife, mumusinze nga muli mu maiso ag'ekityamo kye eky'obwakyabazinga, kuba mutukuvu!

Zabbuli 99:9

Musaake Musengwa Katonda waife, mumusinze nga muli ku lusozi lwe olutukuvu; kuba Musengwa Katonda waife mutukuvu.

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Okuvaayo 15:13

Waatambuza abantu bo be wanunula ng'obooleka okugonza okutakoma. Wabagema ku mukono n'omukono gwo ogw'amaani waabatuusa gh'oba aghatukuvu.

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Isaia 6:3

Buli kitonde kyali nga kiri kukoba kiinaakyo kiti: “Musengwa Katonda Afuga Amagye mutukuvu, mutukuvu, mutukuvu. Ekitiisa kye kibunie ensi yoonayoona.”

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

Matayo 1:21

Aidha kuzaala omwana wa bulenzi, era oidha kumutuuma eriina lya Yesu, kuba n'oyo alirokola abantu mu bibi byaibwe.”

Luka 1:49

olw'okuba ow'obukumu yankolera eby'amaani era eriina lye itukuvu.

Luka 1:68

“Musengwa Katonda wa Isiraeli asaakibwe, kuba akyaliire abantu be era yaabanunula.

Ab'Efeso 1:14

Mwoyo Mutukuvu oyo n'omusingo okukakasa nga tulifuna ebyo Katonda bye yatusuubiza, tusaake ekitiisa kye.

Ab'Efeso 1:7

Olw'okufa kwa Kurisito ng'omusengo, tufuna okununulwa nga tusoniyibwa ebibi byaife olw'ekisa kya Katonda ekyodo,

Amateeka Agokubiri 15:15

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro ekyo mpegaano.

Amateeka Agokubiri 28:58

“Bwe mutaagemenga biri mu mateeka gano goonagoona agaaghandiikibwa mu kitabo kino ni mu bituukiriza, era bwe mutaatyenga liina lya Musengwa Katonda waimwe ery'ekitiisa erireetera abantu okumutya,

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Abaheburayi 13:20

Nsaba Katonda ow'emiraala, eyazuukiza Musengwa waife Yesu, eyafuuka Omwayi w'entaama omukulu, olw'okuyugha omusaayi gwe ogwataagho endagaano etawaagho,

Abaheburayi 9:12

Yangira mu Kifo Ekitukuvu Einho omukuzi mulala guti gwamala, nga tatwalayo musaayi gwa mbuzi na nte nto ng'omusengo, aye ng'atwala omusaayi gwe mwene olw'okutufunira okununulibwa okutawaagho.

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.