Zabbuli 111:2 - Baibuli Ekibono kya Katonda 2014

² Ebintu Musengwa Katonda by'akola bikologho ate bikulu, abo boonaboona ababyenda babyetegereza.

Zabbuli 111:2 ပူးပေါင်းရင်းမြစ်များ

Yobu 37:14

Yobu, wulira kino: siriikirira olowooze ku byewuninkiriza Katonda by'akola.

Yobu 37:7

Ayemereza emirimo gya buli muntu, abantu boonaboona be yatonda bamanhe by'akola.

Yobu 5:9

Oyo akola eby'amaani bye tutasobola kutegeera bukalamu, era n'ebyewuunhisa ebitabalika.

Yobu 9:10

Akola eby'amaani bye tutategeera, n'ebyewuunhio ebitabalika.

Zabbuli 104:24

Wo Musengwa Katonda, nga wakola ebintu nga bya nsambo kamaala! Ate waabikola mu magezi amangi oti ki! Ensi eidhwire ebitonde byo.

Zabbuli 104:34

Nsaba Musengwa Katonda asiime olwembo lwange, kuba okusagamba kwange kuva y'ali.

Zabbuli 107:43

Buli ali n'amagezi agwaine ebyo okubitangaku omwoyo, era abantu bagwaine okulowoozanga einho ku kugonza kwa Musengwa Katonda okutakoma.

Zabbuli 118:15

Wulira emizira egy'obughanguzi egiri kuva mu weema edh'abantu ba Katonda! Bali kwemba bati: “Omukono gwa Musengwa Katonda gukoze eby'amaani!

Zabbuli 139:14

Nkusaaka kuba weewuunhisa era otiibwa. By'okola byonabyona byewuninkiriza. Ekyo nkiidhi bukalamu.

Zabbuli 143:5

Ndidhukira ebiseera ebyabita, neefumintiriza ku ebyo byonabyona bye wakola, era neetegereza ebyo byonabyona by'ojiire ng'oleetagho.

Ensambo 17:16

Kigasa ki omusiru okuba n'empiiya edh'okusasulira amagezi, ng'ate azira kutegeera?

Ensambo 24:14

manha oti n'amagezi goona gatyo bwe gali amalungi y'oli. Bw'ogafuna, obulamu bwo obw'omu maiso, bwidha kubanga bukalamu, n'ebyo by'osuubira birobenga kukufa busa.

Omulangirizi 3:11

Yaakola buli kintu nga kija bukalamu mu kiseera kyakyo. Yaata mu bantu omwoyo ogwenda okumanha ebyaligho, n'ebirigho, era n'ebiribaagho, aye yaaloba kubagha kumanha mwene Katonda by'akola okuva mu kwinhama okutuuka ku nkomerero.

Isaia 40:12

Naani eyaali apimyeku obungi obw'amaadhi g'enhandha ng'agasenesa bwa ngalo dhe? Oba okupima eigulu ng'akozesa bwa mikono gye? Naani eyaali apimyeku obungi obw'enkungu eri ku nsi? Oba okuta ensozi n'obusozi ku minzaani okubipima?

Danieli 4:3

Obumanhiso bwe nga bukologho! Ebyewuunhio bye nga bya maani! Obwakyabazinga bwe bwa kubaagho byanda na byanda, era aja kufuganga abantu ense n'ense.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Ab'e Roma 8:6

Okwemalira ku by'omubiri kuleeta okufa, aye okwemalira ku bya Mwoyo kuleeta obulamu n'emiraala.

Ab'Efeso 1:19

Era mumanhe amaani ge agataloodheka agakolera mu ife abaikiriza. Amaani ago

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.