Zabbuli 109:27 - Baibuli Ekibono kya Katonda 2014

²⁷ Wo Musengwa Katonda, abazigu bange ka bamanhe nga niiwe ondokola.

Zabbuli 109:27 ပူးပေါင်းရင်းမြစ်များ

Ezera 7:6

Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Nehemia 6:16

Abazigu baife boonaboona abaali mu maghanga agandi agatwezungulwire bwe baakiwulira, baatya era baaweeramu irala amaani, kuba baakimanha ng'omulimo ogwo gwawa lwa Katonda mwene kutuyamba.

Yobu 37:7

Ayemereza emirimo gya buli muntu, abantu boonaboona be yatonda bamanhe by'akola.

Zabbuli 126:2

Ku matama twaidhula enseko, era twayemba nga tukuba n'emizira. Agho abantu abamaghanga agandi baakoba bati: “Musengwa Katonda abakoleire ebyewuunhisa.”

Okuvaayo 8:19

Abalogo baakoba kyabazinga bati: “Ago maani ga Katonda.” Aye omwoyo gwa kyabazinga gwasigala nga mukalangufu ogutatya, era tiyawulira nga Musengwa Katonda bweyakoba.

Ebikolwa by'Abatume 4:16

Baakoba bati: “Abantu bano tubakolere ki? Kuba bwenebwene ekyewuunhio ekyaga agho bakikoze, n'ab'omu Yerusalemu boonaboona bakiboine, era ekyo titusobola kukiroba.