Zabbuli 107:43 - Baibuli Ekibono kya Katonda 2014

⁴³ Buli ali n'amagezi agwaine ebyo okubitangaku omwoyo, era abantu bagwaine okulowoozanga einho ku kugonza kwa Musengwa Katonda okutakoma.

Zabbuli 107:43 ပူးပေါင်းရင်းမြစ်များ

Zabbuli 28:5

Olw'okuba banhoomerera ebyo Musengwa Katonda by'akola n'ebyo bye yatonda, aja kubabonereza era abazikirize.

Zabbuli 50:23

Ole bw'asiima, aba aghaireyo omusengo ogumpeesa ekitiisa, era nja kulokola oyo atambulira mu ngira entuufu.”

Zabbuli 64:9

Olwo abantu boonaboona baja kutya, baghaye ku ebyo Katonda bye yakola, era bisigale ku myoyo gyaibwe nga babidhuuba.

Isaia 42:20

Iwe Isiraeli oboine bingi, aye ofuniemu makulu ki? Oli n'amatu agawulira, aye kiki kyene ky'owuliiremu?”

Isaia 5:12

Ebibinuko byaibwe bibaaku endingidi, entongooli, obugoma n'endere, era n'omwenge gw'emizabbibu. Aye tibalowooza ku ebyo Musengwa Katonda by'akola, waire okubifaaku naire.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Yeremia 9:12

Nze naabuuza Musengwa Katonda nti: “Wo Musengwa Katonda, lwaki ensi eyonooneike n'eba nkalu ng'oti irungu, era ni ghabula omuntu agibitamu? Naani omugezi asobola okutegeera kino? Naani ye wakiinhonhola asobola okukobera abandi?”

Yeremia 9:24

“Aye buli yeesuuta, yeesuutenga lwa kuba nti: antegeera era andidhi nga ninze Musengwa Katonda agonza abantu obutalekera, era ni nkola amazima n'ebituufu. Ebintu ebyo n'ebinsanhusa. Nze Musengwa Katonda, ninze nkobye.”

Danieli 10:12

Agho yankoba ati: “Danieli otatya, kuba Katonda awuliire okusaba kwo, okuviira irala ku lunaku lwe watoolera okwewombeeka mu maiso ge ng'oyenda okutegeera obukwenda obw'okubonekerwa. Era nze ndidhie olw'okusaba kwo okwo.

Danieli 12:10

Abantu kamaala balinaazibwa, baatukuzibwa era baizibwa buyaaka. Aye ababi balyeyongera bwa kukola bibi, era ezira waire omulala ati ku babi abo alitegeera. Aye abagezi balitegeera.

Hosea 14:9

Buli ali n'amagezi agwaine ategeere ebyo, era kiisi ali n'okutegeera agwaine abitengaku omwoyo; kuba Musengwa Katonda by'akola bituufu. Abo abeesimbu babijiiraku, aye aboonooni babyekontolaku baagwa bugwe.