Zabbuli 107:4 - Baibuli Ekibono kya Katonda 2014

⁴ Abandi baatambulatambula eyo batyo mu irungu omuzira kantu, engira yaababula ebatuusa ghe basobola okuba.

Zabbuli 107:4 ပူးပေါင်းရင်းမြစ်များ

Yobu 12:24

Abafuzi b'abantu abafuula basiru, yaabaleetera okuyengeetera eyo mu irungu ezira ngira.

Zabbuli 107:40

Katonda aleetera abazigu abo okunhoomebwa, baaja nga batambulatambula eyo batyo mu irungu omuzira waire akagira.

Ezekieli 34:12

Ng'omwayi bw'ayagaaza buli ghantu, nga ghaligho edhindi ku ntaama dhe edhisansaine, zeena ntyo bwe ndyagaaza woonawoona okuzuula entaama dhange ye dhiri. Ndidhitoola eyo yoonayoona ye dhaasansaanira ku lunaku olwo olw'ebire ebyereere ku igulu n'enzikiiza agemye bedimudimu!

Ezekieli 34:6

Entaama dhange edho dhaaja nga dhitambulatambula eyo dhityo, ku nsozi enene ni ku busozi obutono. Dhaasansaanira mu nsi yoonayoona aghazira adhinonerezaaku oba adhinooniaku.

Okubala 14:33

Abaana baimwe baidha kuba baayi mu irungu lino okumala emyaka amakumi ana nga badaagadaaga, olwa imwe obutaba beesigwa, okutuusa omulambo gw'oyo alisembayo ku imwe okufa lwe guligwa mu irungu muno.

Okubala 32:13

Agho obusungu bwa Musengwa Katonda bwatumbukira ku Baisiraeli ng'oti muliro, yaabaleetera okutambulatambula eyo batyo mu irungu okumala emyaka amakumi ana, okutuusa oluse olwo olwakola ebibi ye Musengwa Katonda bwe lwafa ni luwaagho.

Amateeka Agokubiri 32:10

Yabaagaana nga batambulatambula eyo batyo mu irungu eikalu, eriidhwire kiwunga w'empewo. Yaabakuuma, yaabalabirira, ng'omuntu bw'alabirira emboni y'eriiso lye.

Amateeka Agokubiri 8:15

Yababisa mu irungu einene era eritiisa, omwali emisota n'ebiyiri eby'obusagwa. Mu irungu omwo omuzira maadhi, yaabafunira amaadhi okuva mu lubaale olubbalangufu.”

Abaheburayi 11:38

era nga n'ensi tibagibonamu muganhulo. Baatambulatambulanga eyo batyo mu malungu ni mu nsozi ng'oti n'abanoonia obubudamo, nga basula mu mpuku ni mu biina.

Okwolekebwa 12:6

Omukazi yaalumukira mu irungu mu kifo Katonda kye yali amaze okumutegekera, bamulabirire eyo okumala entangama ya nnaku lukumi na bibiri na nkaaga (1,260).