Zabbuli 107:34 - Baibuli Ekibono kya Katonda 2014

³⁴ Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Zabbuli 107:34 ပူးပေါင်းရင်းမြစ်များ

Amainhama 13:10

Loti yeezunguluza amaiso, yaabona ng'ekiiko eky'e Yorudani kyonakyona okutuukira irala e Zoari, kirimu amaadhi mangi nga kiri ng'oti n'Enimiro ya Musengwa Katonda, oba ng'oti n'ensi ey'e Misiri. Bino byaligho nga Musengwa Katonda akaali kuzikiriza Sodoma ni Gomorra.

Amainhama 13:13

Abantu ba Sodoma baali babi, era nga boonooni inho ye Musengwa Katonda.

Amainhama 14:3

Bakyabazinga bano abataanu abasembyeyo, baayimba ghalala amagye gaibwe mu Kiiko eky'e Siddimu eyo nga n'Enhandha Eyomuunhu.

Amainhama 4:12

Bw'onaalimanga eitaka tiriidha kukughanga makungula naire; ku nsi oidha kutambulatambulanga eyo otyo ng'ozira gh'osula.”

Zabbuli 68:7

Wo Katonda, iwe wakulemberamu abantu bo waatambula ng'osala eirungu,

Yeremia 12:4

Ensi yaife erituusa li okukala, n'eisubi lyamu lyonalyona okuniala? Ensolo n'enhonhi dhiri kufa, olw'obubi bw'abantu baife abo abakoba bati: “Katonda tabona bye tukola.”

Yeremia 5:25

Aye ebibi byaimwe bibaleetera obutafuna bintu ebyo; okwonoona kwaimwe okwo kubafiiriza ebirungi ebyo.

Ezekieli 12:19

Kobera abantu boonaboona ab'omu nsi yo oti Musengwa Katonda akoba ati: Abaisiraeli abakaali mu Yerusalemu baliryanga emere nga bali mu kutya, era baanhwanga amaadhi nga beeraliikirivu kuba ensi yaibwe eritoolebwamu byonabyona ebigirimu, olw'okuba nti abantu abagirimu bakola ebikolwa eby'obukambwe.

Ezekieli 47:11

Aye amaadhi ag'omu bibali ni mu bidiba ebiriba ku mbali okw'enhandha, tigalirongoosebwa kufuuka malungi. Galisigala nga ga muunhu.