Zabbuli 107:33 - Baibuli Ekibono kya Katonda 2014

³³ Musengwa Katonda oyo afuula aghabaire emiiga ghairagho eirungu, ate aghabaire enhindo edh'emiiga ghaafuuka eitaka eikalu lyene.

Zabbuli 107:33 ပူးပေါင်းရင်းမြစ်များ

1 Bakyabazinga 18:5

Agho Ahabu yaakoba Obadia ati: “Ja ku nsulo edh'amaadhi dhoonadhoona ni mu biiko. Oba katyo tunaayagaanayo eisubi, twawonia embalaasi n'enhumbu okufa, olwo tulobe kubaaku nsolo dhe tufiirwa.”

Zabbuli 74:15

Wayatisa entanda mwavaamu enhindo dh'ensulo n'obwiga; ate waakaliiza emiiga egitakaliirangaku.

Isaia 42:15

Ndyonoonayonoona ensozi n'obusozi, naakaza eisubi n'emiti ebidhiriku. Emiiga ndigifuula bizinga, naakaza n'ebidiba eby'amaadhi.

Isaia 44:27

Ninze ndagira amaadhi g'enhandha amangi gaakala, n'emiiga gyona gyakala.

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Yeremia 14:3

Abakungu batuma abagheereza baibwe banone amaadhi. Abagheereza baaja baatuuka ku bidiba aye baayagaana nga muziramu maadhi; baira n'ensugha dhaibwe nga nkaya. Ensoni dhaabagema, beeghemba mu maiso nga baswaire.

Ezekieli 30:12

Ndikaliiza omwiga Kiyira, naaghaayo ensi Misiri efugibwe abantu ababi. Ndireetera ensi eyo okuzikirira n'ebintu byonabyona ebigirimu, nga nkozesa abagwira. Nze Musengwa Katonda, ninze ndhogeire.”

Yoeli 1:20

N'ensolo edh'omu nsiko dhikulirira, olw'amaadhi agaakala mu miiga n'olw'eisubi eryakala mu byayiro ng'oti lye bookiikya omuliro.

Nahumu 1:4

Alagira enhandha yaakala, era akaliiza emiiga. Olwo emisiri egy'e Bashani gyawotoka, ate n'egy'oku lusozi Karumeli gyakala era n'ebimuli eby'oku nsozi edh'e Lebanoni byona byakala.

Zefania 2:13

Musengwa Katonda aja kukozesa obuyinza bwe azikirize abantu ab'e Assiria abali ku luuyi olw'omukono omugooda olw'e buvandhuba. Aja kuzikiriza ekibuga Nineve kisigale nga kyanhe bwanhe, era nga kikalu ng'oti irungu lyene.

Zefania 2:9

Kale ni, nze Musengwa Katonda omulamu afuga amagye, Katonda wa Isiraeli, ndayiire nti ebiketezo eby'Abamoabu n'Abammoni bija kuzikirira, nga Sodoma ni Gomorra bwe byazikirira. Bija kufuuka ekifo ekiidhwire ebisubisubi ebifumita n'ebiina ebisimwamu omuunhu. Bifuuke ekifo ekiziramu kirungi kye kivaamu ebyanda n'ebyanda. Abantu bange abaliwonagho balinhaga ekiketezo ekyo kyaba kyaibwe.”