Zabbuli 107:32 - Baibuli Ekibono kya Katonda 2014

³² Bagwaine bamugulumizenga ng'abantu beesoloiza okumusinza, era bamusaakenga mu lwekobaano olw'abakulu ab'ebika.

Zabbuli 107:32 ပူးပေါင်းရင်းမြစ်များ

Zabbuli 111:1

Mwenamwena musaake Musengwa Katonda. Ndidha kusiimanga Musengwa Katonda n'omwoyo gwange gwonagwona, nga ndi mu bantu abeesoloiza okumusinza.

Zabbuli 119:46

By'okoba byonabyona ndidha kubikoberanga bakyabazinga, nga ghazira kingemya nsoni.

Zabbuli 18:46

Musengwa Katonda mulamu! Oyo n'olubaale mwe neewogoma, agwaine asaakibwenga; Katonda oyo n'obulokozi bwange, agulumizibwenga!

Zabbuli 22:22

Ndidha kukoberanga abantu bange by'onkoleire; ndidha kukusaakanga nga ndi mu bantu abeesoloiza okukusinza.

Zabbuli 22:25

Nga ndi mu bantu kamaala abeesoloiza, ndikusaaka olw'ebyo by'okola. Ndighaayo kye neeyama, nga ndi mu maiso g'abo abakutya.

Zabbuli 26:12

Nhemereire aghatuufu, ndidha kusaakanga Musengwa Katonda nga ndi mu bantu be abeesoloiza okumusinza.

Zabbuli 35:18

Olwo ndikusiima nga ndi mu bantu bo abeesoloiza okukusinza, era naakusaaka nga ndi mu ikuukuubira ery'abantu.

Zabbuli 46:10

Era alagira ati: “Mulekere agho! Mumanhe nga ninze Katonda. Nsinzibwa amaghanga goonagoona, era nsinzibwa ebiri ku nsi byonabyona.”

Zabbuli 66:16

Imwe mwenamwena abatya Katonda mwidhe muwulire, ndidha kubakobera nze by'ankoleire.

Zabbuli 99:5

Musaake Musengwa Katonda waife, mumusinze nga muli mu maiso ag'ekityamo kye eky'obwakyabazinga, kuba mutukuvu!

Zabbuli 99:9

Musaake Musengwa Katonda waife, mumusinze nga muli ku lusozi lwe olutukuvu; kuba Musengwa Katonda waife mutukuvu.

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Isaia 12:4

Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.