Zabbuli 107:14 - Baibuli Ekibono kya Katonda 2014

¹⁴ Yaabatoola mu nzikiiza etiisa einho, yaakutulakutula endhegere edhaali dhibasibye.

Zabbuli 107:14 ပူးပေါင်းရင်းမြစ်များ

Yobu 15:22

Tasuubira kuva mu nzikiiza; ateegerera bwa kwitibwa.

Yobu 15:30

Era taja kuva mu nzikiiza. Aliba ng'oti n'ensaga dh'omuti edhibabwirwa omuliro, era nga n'ebimuli byagwo bitwaliibwa empewo.

Yobu 19:8

Katonda asembye engira yange, nzira bwe mbitagho; ansibiire mu nzikiiza, tikaabona ye nja.

Yobu 3:5

Enzikiiza etiisa einho erutwale. Ekire kiruwembeku endhuba erobe kulwakaku, lwidhule okutya.

Yobu 33:30

okubawonia amagombe, abaghe eisanhu ery'okuba abalamu.”

Yobu 36:8

Aye bwe basibwa n'endhegere ni badaazibwadaazibwa,

Zabbuli 102:20

Yawulira okusinda okw'abasibe abali mu ikomera, yaasibula abo abaali balindiriire okwitibwa obwitibwe.

Zabbuli 107:10

Abandi baali nga baba mu nzikiiza etiisa einho, nga basibe ku ndhegere era nga badaazibwadaazibwa;

Zabbuli 116:16

Wo Musengwa Katonda, nze ndi mugheereza wo nga maama bwe yali. Niiwe omponiiza okufa!

Zabbuli 146:7

Abanhigirizibwa abasalira omusango mu butuufu era yaagha abayala emere. Musengwa Katonda oyo asibula abasibe mu makomera,

Zabbuli 68:6

Abo abazira ghe baba abafunira amaka ag'okubangamu, yaatoola abasibe mu makomera, yaabatuusa ku idembe ery'okusanhuka. Aye abadheemu abaleetera okusenga ku itaka ery'olubbalangu.

Isaia 42:16

Ndikulemberamu abatulu, naababisa mu ngira dhe bataidhi. Enzikiiza ye balimu ndigifuula butangaavu, naasaania aghali ebikonko, baabita aghatereevu. Ebyo ndibibakolera, era tiribalekulira agho.

Isaia 49:9

Olikoba abasibe oti, ‘Mufulume eikomera, buti muli ba idembe,’ n'abo abali mu nzikiiza oti, ‘Muve mu nzikiiza, mwire mu butangaavu.’ Baliba ng'oti n'entaama edhifuna kye dhirya ku ngira kwe dhibita obubite, era ni dhiba n'eisubi ghaigulu ku nsozi edhitaabangaku kantu.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Luka 13:16

Kale tikigwaine omukazi ono mwidhukulu wa Aburahamu, Sitaani y'abaire asibye okumala emyaka eikumi n'omunaana, kusibululwa mu busibe obwo waire ku lwa Sabbato?”

Ebikolwa by'Abatume 5:19

Aye obwire, malaika wa Musengwa yaigulagho endhigi edh'eikomera yaabafulumya ng'abakoba ati:

Ebikolwa by'Abatume 5:25

Ghaabaagho eyaidha yaabakoba ati: “Abasaadha be mwataire mu ikomera baabale mu isinzizo bali kwegeresa abantu.”

Ab'Efeso 5:8

kuba eira mwali mu nzikiiza, aye okuva lwe muli bantu ba Musengwa, muli ba butangaavu. Kale mutambule ng'abantu abali mu butangaavu,

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.