Zabbuli 106:6 - Baibuli Ekibono kya Katonda 2014

⁶ Ife, ni badhaadha baife twayonoona; twakola ebibi ebitasaana.

Zabbuli 106:6 ပူးပေါင်းရင်းမြစ်များ

1 Bakyabazinga 8:47

aye ni bamala beerowooza nga bali eyo mu nsi ye baatwalibwa ng'abanhage, ni beenenia era ni bakweghemba bati, ‘Twayonoona, twadaaliima era twakola ebibi’, wuliranga okusaba kwaibwe.

Ezera 9:10

Wo Katonda waife, mperaano tunaakoba ki ng'ebyo byonabyona bimaze okubaagho? Tuviire ku biragiro byo,

Nehemia 1:7

Twebisa bubi y'oli, twaloba okugema amateeka go n'ebiragiro bye watugha ng'obita mu mugheereza wo Musa.

Nehemia 9:16

Aye badhaadha baife beekuluntaza, baakalangusa emyoyo gyaibwe, baaloba kugondera biragiro byo.

Zabbuli 78:8

Balobe kuba ng'oti ni badhaadha baibwe, ab'oluse olw'empwitu era oludheemu oluse olw'abantu ab'emyoyo egitaagumira ku Katonda era abaalekera agho okumwikiriza.

Yeremia 14:20

Wo Musengwa Katonda, bwenebwene twayonoona y'oli, twikiriza ebibi ebyaife era n'ebya badhaadha baife.

Yeremia 3:25

Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Abalevi 26:40

“Aye baidhukulu baimwe bwe balyatula ebibi byaibwe n'ebibi bya badhaadha baibwe abaakola empwitu ni bandheemera,

Okubala 32:14

Mperaano bona, niimwe mwize mu kifo kya badhaadha baimwe abo, mube oluse olw'abakozi ab'ebibi, era mwongere okuleetera Musengwa Katonda okusungughalira Abaisiraeli ekibitiriire.

Matayo 23:32

Kale ni mumalirize badhaadha baimwe kye batoolera.