Zabbuli 106:5 - Baibuli Ekibono kya Katonda 2014

⁵ Nsobole okubona ng'abantu bo be weerondera, obulamu bubajiira bukalamu. Olwo nsagambire ghalala n'eighanga lyo, era neesiime n'abo ababo.

Zabbuli 106:5 ပူးပေါင်းရင်းမြစ်များ

2 Samueli 20:19

Ninze omulala ku abo abenda emiraala era abeesigwa mu Isiraeli. Iwe oli kwenda okuzikiriza ekibuga ekizaire mu Isiraeli. Lwaki oli kwenda okusaaniagho abantu ba Musengwa Katonda?”

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 105:43

Kale yaatoola abantu be mu nsi omwo nga basangaavu, abantu be abo be yeerondera baavaamu nga bemba.

Zabbuli 105:6

imwe abaana ba Aburahamu omugheereza we era baidhukulu ba Yakobo ye yeerondera.

Zabbuli 118:15

Wulira emizira egy'obughanguzi egiri kuva mu weema edh'abantu ba Katonda! Bali kwemba bati: “Omukono gwa Musengwa Katonda gukoze eby'amaani!

Zabbuli 14:7

Katonda agwananga yaaleetagho alizaawula Isiraeli ng'ava mu Sioni! Musengwa Katonda bw'aliiriza abantu be obukombe, aba Yakobo balisagamba, aba Isiraeli baasangaala!

Zabbuli 48:11

Abantu ab'oku lusozi Sioni ka basanhuke, n'ab'omu bibuga bya Yuda basagambe; kuba osala ensonga mu butuufu.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 35:10

Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Isaia 66:10

Imwe mwenamwena abagonza Yerusalemu, musangaalire ghalala naye, era musagambe ku lulwe. Imwe mwenamwena abalira ku lulwe era abamulumirwa, mweyimbe ghalala mu isanhu lye musagambe,

Yoeli 2:23

Imwe abantu ab'e Sioni, musangaale era musagambire mu Musengwa Katonda waimwe; kuba abaleeteire amaadhi agasooka gaagwa mu bungi obutuufu bwene. Abaghaire amaadhi amatoigo n'amasambya, gaagwa mu bungi nga bwe kyalinga eira.

Zefania 3:14

Imwe Abaisiraeli, mwembe era mukube n'emizira. Imwe ab'e Yerusalemu, musangaale era musagambe n'omwoyo gwaimwe gwonagwona.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Yoanne 15:16

Ti niimwe abaanonda aye ninze eyabalonda era naabataagho okuja okwama ebibala, ebibala ebitawaagho. Era Lata anaabaghanga kyonakyona kye munaasabanga mu liina lyange.

Yoanne 16:22

Mperaano mwena muwulira, enaku aye ndidha kabiri kubabona era emyoyo gyaimwe gisagambe. Era okusagamba okwo ghazira muntu yeenayeena alikubatoolaku.

Ebikolwa by'Abatume 9:15

Musengwa yaakoba Anania ati: “Ja, kuba oyo nze mmwerondeire okumanhisa eriina lyange mu bamaghanga agandi, ni bakyabazinga, n'abantu ba Isiraeli.

Ab'Efeso 1:18

Abazibule amaiso ag'omwoyo mubone ebyo bye yasuubiza bwe yabeeta, mumanhe obukombe obuli mu ebyo eby'ekitiisa by'abiikira abatuukirivu.

Ab'Efeso 1:4

Katonda ng'abita mu Kurisito, yali yamala ira okutulonda nga n'ensi ekaali kutondebwa, tube batuukirivu abaziraku musango mu maiso ge.

Amateeka Agokubiri 32:9

Yalondamu aba Yakobo yaabafuula babe, baaba bantu be ku bubwe.

Amateeka Agokubiri 7:6

Kuba muli ighanga lya Musengwa Katonda waimwe. Yabalondamu okuba eighanga lye erirye ku bubwe mu maghanga goonagoona agali ku nsi.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

2 Ab'e Thessalonika 2:13

Aboluganda abadingu ba Musengwa, tuli n'okusiima Katonda buli kaseera olwa imwe kuba Katonda yabalobolamu okuviira irala mu kwinhama, mulokolebwe nga mutukuzibwa Mwoyo era nga mwikiriza amazima.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”