Zabbuli 106:41 - Baibuli Ekibono kya Katonda 2014

⁴¹ Kyeyava n'abaleka mu buyinza bw'abamaghanga agandi, abantu abo baabafuga n'enfuga embi.

Zabbuli 106:41 ပူးပေါင်းရင်းမြစ်များ

2 Samueli 24:14

Agho Daudi yaakoba Gadi ati: “Enaku engemye inho naasoberwa. Aye ekisinga leka Katonda ali n'ekisa ekyodo atubonereze mwene, mu kifo eky'abantu obuntu okutubonereza.”

Ezekieli 16:27

“Kale buti ngalwire omukono gwange okubabonereza. Era nja kukendeeza ku mugabo gwo, nkugheeyo y'abazigu bo Abafilisiti abakweguguna obwegugune, era abeesinwa eira ebikolwa byo eby'obwenzi.

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 28:29

Mwidha kughaamantanga mu kasana ghagati, ng'oti n'omutulu bw'aghaamanta mu nzikiiza, era timuubenga na nkabi mu bye mukola. Mwidha kutuntuzibwanga era munhagibwengaku ebyaimwe buli kiseera, nga ghazira ababeera.

Amateeka Agokubiri 28:33

Ab'eighanga erindi balinhaga emere ye mwafaabiikana okulima ku itaka lyaimwe era ni bye mwadaagirira ebindi byonabyona, aye nga imwe babatuntuza butuntuze na kubabisa bubi.

Amateeka Agokubiri 28:48

Kale ni aidha kubasindikiranga abazigu, imwe mufuuke bagheereza baibwe, endhala n'endiwo bibalumenga, nga muli madu era nga muzira kintu kyonakyona kye muli nakyo. Musengwa Katonda oyo aidhanga kubaleetera okutuntuzibwa einho, okutuusa lwe mulizikirizibwa.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

Abalamuzi 15:11

Agho abasaadha enkumi isatu (3,000) ab'e Buyudaaya, baaja ku mpuku eri mu lwatika olw'olubaale, mu kiketezo eky'e Etamu. Baakoba Samusoni bati: “Toidhi ng'Abafilisiti n'abatufuga? Kale kiki kino ky'otukoze?” Yaabairamu ati: “Abo nabakola nga beene bwe bankola.”

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

Abalamuzi 3:12

Abaisiraeli bairamu kabiri baayonoona ye Musengwa Katonda. Kale Musengwa Katonda yaagha kyabazinga Eguloni ow'e Moabu amaani okulwanisa Abaisiraeli.

Abalamuzi 3:14

Eguloni yaafuga Abaisiraeli okumala emyaka ikumi na munaana.

Abalamuzi 3:8

Kale obusungu bwa Musengwa Katonda bwatumbukira ku Baisiraeli ng'oti muliro, yaaleka kyabazinga Kushani Rishathaimu ow'e Mesopotamia yaabaghangula era yaabafuga okumala emyaka munaana.