Zabbuli 106:39 - Baibuli Ekibono kya Katonda 2014

³⁹ Batyo beene beereetaku okuba aboonoonefu olw'ebikolwa byaibwe ebyo, era baava ku Katonda.

Zabbuli 106:39 ပူးပေါင်းရင်းမြစ်များ

Okuvaayo 34:16

Era mulisobola okufunira batabane baimwe ku baghala baibwe okubabayira. Kale baghala baibwe abo bwe balitoolera okusinza bakatonda baibwe, ni batabane baimwe balisobola okubeeyimbaku boona baasinza bakatonda abo.

Isaia 59:3

Muli n'omusango kuba mwogera eby'obuguya, era mwakola ebikolwa eby'obukambwe n'obutemo.

Ezekieli 20:18

Agho naalabula abaana baibwe nga bali eyo mu irungu, nti mutajiira ku mateeka badhaadha baimwe ge baataagho, era mutagondera biragiro byaibwe, waire okweyonoona nga musinza ebyo bye basinza ebitali nze Katonda.

Ezekieli 20:43

Nga muli eyo muliidhukira emize gyaimwe n'ebikolwa byaimwe byonabyona bye mweyonoona nabyo. Olwo mwenenia era mwawulira n'enaku olw'ebibi byaimwe byonabyona bye mwakola.

Ezekieli 22:3

Kobera ekibuga ekyo oti nze Musengwa Katonda ndi kukoba nti: Olw'okuba waita abantu bo kamaala ababa mu iwe, era weeyonoona n'okusinza ebitali Katonda, ekiseera kyo kiri kwidha.

Ezekieli 36:17

“Iwe omuntu, abantu ab'eighanga Isiraeli bwe baali mu nsi yaibwe, baagyonoona olw'emize gyaibwe n'ebibi bye baakola. Ensambo ye beebisangamu, nga ti nongoofu ng'oti n'omukazi bw'aba ng'ali mu biseera bye eby'okulwala.

Hosea 9:1

Imwe Abaisiraeli, mulobe kusagamba waire okuba abasangaavu ng'oti n'abantu abatatya Katonda; kuba mwaloba okuba abeesigwa mwava ku Katonda waimwe. Mwasanhukira inho engaano eva mu bifo aghakubirwa engaano, nga mulowooza muti eyo n'empeera emisambwa ye gibagha olw'okwetunda ye giri nga bamalaaya.

Abalevi 17:7

Kale Abaisiraeli tibaidha kwongeranga kuba batali beesigwa eri Musengwa Katonda, nga baghaayo emisengo gyaibwe eri emisambwa egiri ng'oti mbuzi. Eiteeka eryo banaalikuumanga enaku dhoonadhoona.’

Okubala 15:39

Amadhwenge ago buli lwe munaagalingangaku gaidha kubanga akamanhiso akanaabaidhusanga amateeka gange nze Musengwa Katonda n'okugagonderanga, mulobenga kunvaaku ni mujiira ku ebyo emyoyo gyaimwe n'amaiso gaimwe bye bibaleetera okwegomba.