Zabbuli 106:38 - Baibuli Ekibono kya Katonda 2014

³⁸ Baayughanga emisaayi egyo egiziraku musango, egy'abaana baibwe abalenzi n'abaghala be baaghangayo ng'emisengo eri ebintu ebyo ab'e Kanaani bye baasinzanga ebitali Katonda. Olwo ensi yaafuuka nnhonoonefu olw'obutemo obwo.

Zabbuli 106:38 ပူးပေါင်းရင်းမြစ်များ

2 Bakyabazinga 17:17

Baaghangayo abaana baibwe abalenzi n'abaghala ng'emisengo egyokebwa. Beeraguzanga era baakolanga eby'obulogo, era beegheerangayo irala okukola ebibi, baaleetera Musengwa Katonda okusungughala.

2 Bakyabazinga 21:16

Kyabazinga Manasse yaita abantu kamaala inho abaziraku musango, yaidhuza Yerusalemu kyonakyona omusaayi kyabuna. Okwo yaayongeraku ekibi eky'okuleetera ab'omu Buyudaaya okukola ebibi eri Musengwa Katonda.

2 Bakyabazinga 24:4

n'olw'abantu abaziraku musango Manasse oyo be yaita kuba yaidhuza Yerusalemu omusaayi gw'abantu be yaitira obwereere. Musengwa Katonda nga taghanga kusonigha Manasse oyo olw'ekyo.

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Isaia 24:5

Abantu boonoine ensi nga bava ku mateeka ga Musengwa Katonda, baadheemera ebiragiro bye, era baamenha endagaano ye etawaagho.

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Yeremia 19:4

Nja kukola ntyo kuba abantu abo banviireku baayonoona ekifo kino nga baghaayo emisengo eri bakatonda abandi, ate nga beene, waire badhaadha baibwe, oba bakyabazinga b'omu Buyudaaya, tibamanhangaku bakatonda abo naire. Era abantu abo baidhwiza ekifo kino omusaayi ogw'abantu abaziraku musango be baita.

Yeremia 2:34

Ebivaalo byaimwe biriku ebimyamya by'omusaayi gw'abaavu abaziraku musango, era be mutagemangaku nga bali kwiba. “Aye waire ng'ebyo biri bityo,

Ezekieli 16:20

“Era waatoola batabane bo ni baghala bo be wanzaalira, waabaghaayo ye biri ng'emisengo egyokebwa. Olowooza oti ekya iwe obutaba mwesigwa ye ndi kyali kitono,

Ezekieli 22:3

Kobera ekibuga ekyo oti nze Musengwa Katonda ndi kukoba nti: Olw'okuba waita abantu bo kamaala ababa mu iwe, era weeyonoona n'okusinza ebitali Katonda, ekiseera kyo kiri kwidha.

Ezekieli 7:23

era baalireka nga liri bifulukwafulukwa. “Olw'okuba ensi yaimwe eidhwire ebikolwa eby'obutemo n'ekibuga kyaidhula ebikolwa eby'obukambwe,

Abalevi 18:21

Otaghangayo waire omulala ku baana bo, okukozesebwa mu kusinza omusambwa Moleki, n'ovumagania eriina lya Katonda wo. Ninze Musengwa Katonda.

Abalevi 18:25

Ebikolwa byaibwe byafuula ensi eno obutaba nongoofu, kye nva ndi kubabonereza nga mbabingira kuliya okubamaliramu irala.

Okubala 35:33

Kale ni mutayonoonanga nsi ye mubaamu, kuba obutemo bwonoona ensi. Era ezira ky'oghanga kukola okufunisa ensi ekisonigho olw'obutemo obwo obugikoleirwamu, okutoolaku okwita oyo eyatemula.

Amateeka Agokubiri 21:9

Kale ni bwe munaakolanga ebyo Musengwa Katonda by'abona nga bituufu, munaabanga nga mwetoireku ekibi eky'okwita abantu abaziraku musango.”