Zabbuli 105:44 - Baibuli Ekibono kya Katonda 2014

⁴⁴ Yaabagha ensi edh'abamaghanga agandi, era beiriza amasamba abantu abandi ge baatakabanira okulima,

Zabbuli 105:44 ပူးပေါင်းရင်းမြစ်များ

2 Bakyabazinga 17:37

Mutenga inho omwoyo era mugemenga buliidho amateeka goonagoona n'ebiragiro bye nabaghandiikira. Mutasinzanga bakatonda bandi,

Zabbuli 78:55

Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Zabbuli 80:8

Watuleeta ng'omuzabbibu okuva mu Misiri, waabinga amaghanga agaali mu nsi eno, waagusimbamu.

Yeremia 32:23

Aye bwe baatuuka mu nsi eno ni bagitwala n'eba eyaibwe ku bwaibwe, tibaagondera biragiro byo, waire okwebisa nga bwe wabagalagira. Ghazira kye baakolaku ku ebyo bye wabalagira okukola. Kale ni, iwe n'okubaleetaku okuzikirira kuno kwonakwona.

Yoshua 11:23

Kale atyo Yoshua bwe yanhaga ekiketezo ekyo kyonakyona eky'ensi, nga Musengwa Katonda bwe yalagira Musa. Yoshua yaamala yaakigabaniamu mu Baisiraeli boonaboona, buli kika nga kifunaku aghaakyo. Agho abantu baalekera okulwana entalo baafunaku emiraala.

Yoshua 21:43

Kale Musengwa Katonda yaagha Abaisiraeli ekiketezo kyonakyona kye yasuubiza okugha badhaadha baibwe. Era bwe baakifuna baakityamamu baatereera.

Yoshua 23:4

Ekiketezo kyonakyona okuva e buvandhuba ew'omwiga Yorudani okwira e bugwandhuba okutuuka ku Nhandha Eyaghagati, namala okukibagabaniamu mu bika byaimwe. Omwo nga n'omuli ebiketezo bye twamala okunhaga ku maghanga, era n'ebyo bye tubaire tukaali okunhaga.

Yoshua 24:13

Nabagha emisiri gye mutaasimba, era naabagha ebibuga bye mutaazimba, era buti mwe muli. Mulya emizabbibu n'ebibala eby'emiti emyoliva gye mutaasimba.’

Yoshua 24:8

memale olwo naabatuusa mu kiketezo eky'Abamori abaabanga ku luuyi olw'e buvandhuba olwa Yorudani. Bano baabalwanisa aye naagha imwe obughanguzi, naabazikiriza era mwatwala ekiketezo kyaibwe.

Yoshua 5:11

Olunaku olwairirira ng'Okubitizibwa kuweire, baalya ku birime eby'omu nsi eyo omukuzi ogusooka: emigaati egitazimbulukusiibwa, n'emere ey'empeke enkalange.