Zabbuli 105:12 - Baibuli Ekibono kya Katonda 2014

¹² Abantu ba Katonda baali bakaali batono abazira ghe baaga, era nga basenze busenze mu nsi eyo.

Zabbuli 105:12 ပူးပေါင်းရင်းမြစ်များ

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Amainhama 23:4

“Nze ndi wa ndha mu imwe era omusenze. Munganhe nfune ekifo mu nsi yaimwe, eky'okuziikamu mukazi wange afiire.”

Amainhama 34:30

Yakobo yaakoba Simeoni ni Levi ati: “Mundeeteire obuzibu. Mpegaano Abakanaani n'Abaperizzi n'abandi boonaboona ab'omu nsi eno baja kunkyagha. Ndi n'abantu batono. Kale bale boonaboona bwe balyesoloza ni baanumba, balinsaaniagho n'amaka gange goonagoona.”

Okuvaayo 6:4

Era nakola nabo endagaano okubagha ekiketezo eky'e Kanaani, ekiketezo mwe baabanga ng'abasenze.

Isaia 51:2

Mulowooze ku Aburahamu ni Sara, badhaadha baimwe abo imwe mwe mwasimuka. Ghe nayetera Aburahamu oyo yali aziraku mwana, naamugha enkabi yaazaala abaana, naamuleetera okuba n'abaidhukulu kamaala.

Ebikolwa by'Abatume 7:5

Katonda ti yamugha nsi eyo kuba yiye waire akatundu akatono kati, aye yamusuubiza okugimugha ebe eyiye n'eizaire lye, waire yali nga aziraku mwana.

Amateeka Agokubiri 26:5

“Olwo aidha kwogeranga ebibono bino mu maiso ga Musengwa Katonda wo, oti, Dhaadha wange yali Muaramea ng'atambulatambula eyo atyo. Yaja e Misiri yaaba eyo n'ab'omu maka ge abataali bangi naire. Aye bwe baatuuka eyo baayala, baafuuka eighanga eikologho ery'amaani.

Amateeka Agokubiri 7:7

“Musengwa Katonda yabagonza era yaabalondamu, ti lwa kuba nga mwali kamaala inho okusinga amaghanga agandi mu butuufu mwali eighanga erisingayo obutono mu maghanga goonagoona.

Abaheburayi 11:12

Kale waire Aburahamu yali omukaire awoireyo, yavaamu abaidhukulu kamaala inho ng'oti n'emuunienie edh'oku igulu era ng'oti musenho ogw'oku mbali okw'enhandha ogutabalika.

Abaheburayi 11:9

Era okwikiriza n'okwamusobozesa okuba ng'omuvaghala mu nsi eyamusuubizibwa. Yaasulanga mu ntindi ni Isaaka, ni Yakobo, boona abaasuubizibwa.