Zabbuli 104:29 - Baibuli Ekibono kya Katonda 2014

²⁹ Bw'otabifaaku biwaamu inho omwoyo; bw'obitoolamu omuuka gwo, olwo nga bifa, nga biirayo mu nkungu mwe by'ava.

Zabbuli 104:29 ပူးပေါင်းရင်းမြစ်များ

Amainhama 3:19

Oidha kufaabiikananga era ogezimulenga, memale ofunenga eky'okulya, okutuusa lw'oliirayo mu itaka mwe wakolebwa. Mu itaka mwe wava, era mu itaka mw'oliira.”

Yobu 10:9

Idhukira nga wampumba mu itosi. Onandhizaayo wanfuula enkungu kabiri?

Yobu 13:24

“Ku lwaki oneegisaaku, n'ondheta omuzigu wo?

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Zabbuli 146:4

Omuntu olufa ati ng'aira mu itaka; era ku olwo ebyo by'abaire ng'ategeike okukola, byonabyona lwe bikoma.

Zabbuli 30:7

Iwe olw'obulungi bwo wankuuma naaba mugumu ng'oti lusozi, aye bwe watuuka ku ky'obutenda kuuningaku, naatya inho.

Zabbuli 90:3

Iwe oizaayo omuntu mu nkungu mwe yakolebwa, ng'olagira oti: “Omwana w'omuntu irayo ye wava.”

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Ebikolwa by'Abatume 17:25

Era oyo ghazira kye yeetaaga bantu kumukolera, kuba oyo n'abagha obulamu na buli kintu.

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.