Zabbuli 104:20 - Baibuli Ekibono kya Katonda 2014

²⁰ Wakola enzikiiza ereetera obwire okuziba, ensolo dhoonadhoona edh'omu nsiko dhaatoolera okutambula.

Zabbuli 104:20 ပူးပေါင်းရင်းမြစ်များ

Amainhama 8:22

Ensi ng'ekaaligho: okusiga n'okukungula, obwinhogovu n'olwota, ebiseera eby'endoboozi n'eby'ekiinhogogo, omusana n'obwire, ebyo byonabyona tibija kuwaagho.”

Zabbuli 50:10

kuba kiisi nsolo yoonayoona ey'omu nsiko yange, n'ente dhoonadhoona edhiri eyo ku nsozi enkumi n'enkumi, dhoona dhange.

Zabbuli 74:16

Omusana n'obwire byombi bibyo; niiwe owataagho endhuba n'omwezi mu bifo byabyo.

Isaia 45:7

Ninze ndeetagho obutangaavu era ninze ndeetagho n'enzikiiza; ninze ndeetagho enkabi era ninze ndeetagho n'akabi. Nze Musengwa Katonda, ninze nkola ebyo byonabyona.

Amosi 1:13

Musengwa Katonda akoba ati: “Abantu ab'omu Ammoni bakoze ebibi emikuzi kamaala. N'olw'ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g'abakazi be baayagaananga nga bali nda mu Gileadi.