Yoshua 9:8 - Baibuli Ekibono kya Katonda 2014

⁸ Baakoba Yoshua bati: “Kye munaatukoba kyonakyona kye tunaakola.” Yoshua yaababuuza ati: “Niimwe baani era muva gha?”

Yoshua 9:8 ပူးပေါင်းရင်းမြစ်များ

2 Bakyabazinga 10:5

Agho akulira ab'omu kisaagaati kya kyabazinga, n'abafuzi b'ekibuga, n'abakulembeze, n'abakuza ab'abaana, baagheereza obukwenda eri Yehu nga bakoba bati: “Ife tuli bagheereza bo, era twidha kukola byonabyona by'onaatulagira. Titwidha kutaagho muntu waire omulala ati okuba kyabazinga. Iwe kola kyonakyona ky'obona nga n'ekirungi.”

Amateeka Agokubiri 20:11

Bwe banaabairangamu bati baikiriiza okweghaayo era ni babaigulirangagho emiryango gy'ekibuga kyaibwe, olwo abantu boonaboona abakirimu munaabafuulanga bairu baimwe, baabakoleranga emirimo egy'olukako.

Yoshua 10:6

Abasaadha ab'e Gibeoni baagheereza Yoshua obukwenda e Giligali, Abaisiraeli ye baali basimbye weema dhaibwe, nga bukoba buti: “Ife abagheereza bo, otatulekulira agho, yangughaku okwidha okutubeera otuwonie kuba bakyabazinga boonaboona Abamori, ababa eyo mu biketezo eby'ensozi, beesoloiza baatulumba.”

Yoshua 9:11

Abakulira ebikunsu byaife era n'abantu abandi ab'ensi yaife boonaboona, baatukoba tusibe entanda twetegekere olugendo luno, era twidhe tubabone. Batutumye tubakobere tuti tuli beetegefu okuba abagheereza baimwe, era tubasabe mukole n'ife endagaano.

Yoshua 9:23

Mbeeni nga bwemwakola mutyo, Musengwa Katonda aidha kubabonereza, abantu baimwe baidha kubanga bairu kwasaaganga nku na kuja maadhi ga ndhu ya Katonda wange.”

Yoshua 9:25

Era buti tukuli mu ngalo okutukola iwe mwene ky'onaabona nga n'ekirungi era ekituufu.”

Yoshua 9:27

Aye yaabafuula bairu okwasaagiranga Abaisiraeli enku n'okubajiiranga amaadhi, era n'okwasaagiranga alutaari ya Musengwa Katonda enku n'okugijiiranga amaadhi. Ebyo bye bakola ni ye buli eno, mu kifo woonawoona Musengwa Katonda gh'aba ng'alonze okumusingiza.