Yoshua 9:27 - Baibuli Ekibono kya Katonda 2014

²⁷ Aye yaabafuula bairu okwasaagiranga Abaisiraeli enku n'okubajiiranga amaadhi, era n'okwasaagiranga alutaari ya Musengwa Katonda enku n'okugijiiranga amaadhi. Ebyo bye bakola ni ye buli eno, mu kifo woonawoona Musengwa Katonda gh'aba ng'alonze okumusingiza.

Yoshua 9:27 ပူးပေါင်းရင်းမြစ်များ

2 Ebyomubyanda 2:16

Twidha kutema emiti gyonagyona gye weetaaga okuva mu Lebanoni, tugisibe mu binhwa, tugite ku nhandha giseeyeeye okutuuka e Yoppa. Eyo y'oligitoolera okugitwala e Yerusalemu.”

Okubala 31:28

Ku mugabo ogw'abalwani beene abaaja mu lutalo, oidha kutoolaku empooza ya Musengwa Katonda nga ya muntu mulala mulala ku buli bantu abanhage ebikumi ebitaanu. Era oidha kukola otyo ku nte, ku ndogoyi, ku ntaama ni ku mbuzi.

Okubala 31:30

Ku mugabo ogw'Abaisiraeli abandi abasigairegho oidha kutoolaku omuntu mulala mulala ku buli bantu ataanu abanhage, era oidha kukola otyo ku nte, ku ndogoyi, ku ntaama, ku mbuzi, era ni ku nsolo edhindi dhoonadhoona, obighe Abalevi abalabirira Weema ya Musengwa Katonda.”

Okubala 31:47

Ku mugabo ogwo Abaisiraeli abaasigalagho gwe baafuna, Musa yatoolaku omuntu mulala mulala ku buli bantu amakumi ataanu, era yaatoola n'ensolo ndala ndala ku buli nsolo amakumi ataanu, yaabigha Abalevi abalabirira Eweema ya Musengwa Katonda. Musa ekyo yakikola nga Musengwa Katonda oyo bweyamulagira.

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.

Amateeka Agokubiri 12:14

Aye mubigheerengayo mu kifo ekyo kyonka Musengwa Katonda ky'aidha okulondagho, mu kiketezo eky'ekindi ku bika byaimwe. Eyo ye munaagheerangayo ebigheebwayo ebyokebwa, era ye munaakoleranga ebyo byonabyona bye ndi kubalagira.

Amateeka Agokubiri 12:5

Mu biketezo by'ebika byaimwe byonabyona, Musengwa Katonda waimwe aidha kulondamu ekifo kirala, abantu ye banaajanga mu maiso ge okumusinza.

Yoshua 9:21

Mubaleke baidha kutwasaagiranga enku n'okutusomberanga amaadhi.” Era kityo bwe kyali.

Yoshua 9:26

Yoshua yaabatangirira, yaalobera Abaisiraeli okubaita.