Yoshua 9:17 - Baibuli Ekibono kya Katonda 2014

¹⁷ Agho Abaisiraeli baatoolera okutambula, era ku lunaku olwokusatu baatuuka mu bibuga eby'abantu abo era ni bino: Gibeoni, Kyefira, Beerothi, ni Kiriathi Yearimu.

Yoshua 9:17 ပူးပေါင်းရင်းမြစ်များ

2 Samueli 4:2

Ishiboshethi oyo mutabane wa Saulo, yali n'abasaadha be babiri abaakuliranga ebikunsu ebyajanga okulumba mu ntalo. Owundi nga ni Baana, ate owundi nga ni Rekabu, bombi nga batabane ba Rimmoni, omusaadha ow'e Beerothi, nga wa kika kya Benjamini. (Beerothi ekyo, kyona kitwalibwa okuba ekiketezo ekya Benjamini.

1 Ebyomubyanda 12:4

Ishimaia ow'e Gibeoni, omulwani ow'amaani mu bale amakumi asatu era omulala ku bakulembeze baibwe. Yeremia, ni Yahazieli, ni Yohanani, ni Yozabadi ow'e Gedera,

1 Ebyomubyanda 2:50

Bano n'abaasimuka mu Kalebu: Huri n'eyali omwana omukulu owa Kalebu, ye yazaala mu mukazi we Efuratha. Huri oyo yaazaala Shobali lata wa Kiriathi Yearimu.

1 Ebyomubyanda 2:52

Shobali lata wa Kiriathi Yearimu, n'eyali dhaadha wa Haroe n'ekitundu ekirala ku bitundu ebibiri eby'Abamenuhothi.

1 Ebyomubyanda 2:53

Era yaaba dhaadha w'ebika ebyali mu Kiriathi Yearimu, bino: Abaithiri, Abaputhi, Abashumathi, n'Abamishirai. Mu bika ebyo n'omwava Abazorathi n'Abeshitaoli.

1 Ebyomubyanda 21:29

Mu kiseera ekyo Weema ey'Okwagaananirangamu ni Musengwa Katonda Musa ye yakolera mu irungu, ni alutaari ye baayokerangaku emisengo, byali bikaali mu kifo ekigulumivu eky'okusinzizaamu e Gibeoni.

Ezera 2:25

abantu ab'e Kiriathi Yearimu, n'ab'e Kefira, n'ab'e Beerothi baali lusanvu n'ana na basatu (743);

Nehemia 7:29

abantu ab'e Kiriathi Yearimu, n'ab'e Kefira, n'ab'e Beerothi, baali lusanvu n'ana na basatu (743);

Yeremia 26:20

Era ghaalighooku n'omuntu owundi nga bamweta Uria mutabane wa Shemaia ow'e Kiriathi Yearimu, eyayogera mu liina lya Musengwa Katonda ku kibuga kino ni ku ighanga lino, ng'oti ni Yeremia bwe yakola.

Yoshua 10:2

Kuba Gibeoni kyali kibuga kinene ng'ebibuga ebinene bwe byali, ebyalingamu bakyabazinga. Kyali kinene okusinga Ayi, era n'abasaadha baamu baali baidhi inho okulwana entalo.

Yoshua 15:60

Era baagheebwayo n'ekiketezo ekindi ekyalimu ebibuga bino: Kiriathi Baala, ekyo nga ni Kiriathi Yearimu, ni Rabba. Bino byali ebibuga bibiri n'ebyalo byaku.

Yoshua 15:9

Kabiri yaava ghaigulu ku lusozi olwo yaaserengeta okutuuka ku miiga egy'e Mefutoa, era yaabitagho okutuuka ku bibuga ebiri ku lusozi Efuroni. Agho yaakyuka yaayolekera e Baala ng'ekyo ni Kiriathi Yearimu.

Yoshua 18:14

Agho ensalosalo yaakyusa ku luuyi olundi yaasimbira e bugwandhuba, ku lusozi oluli ku luuyi olw'omukono omusaadha olw'e buvandhuba, olulingagaine ni Bethi Horoni, era yaakoma e Kiriathi Baali ekyo nga ni Kiriathi Yearimu ekibuga eky'Abayuda. Eyo n'eyali ensalosalo ey'e bugwandhuba.

Yoshua 18:15

Ensalosalo ey'oku luuyi lwene olwo, ng'eva mu mbali omw'ekibuga Kiriathi Yearimu, yaaja yaatuuka ku Efuroni ku kaiga ak'Amaadhi ga Nefutoa.

Yoshua 9:16

Bwe ghaabitagho enaku eisatu nga bamaze okukola endagaano, Abaisiraeli baakizuula ng'abantu abo baliraanwa baibwe era nga baba nabo ghalala.

Yoshua 9:18

Aye ng'Abaisiraeli tibaghanga kwita bantu abo, kuba abakulu ab'ebikunsu mu Isiraeli baali nga bamaze okubalayirira mu liina lya Musengwa Katonda wa Isiraeli. Agho Abaisiraeli boonaboona beemuluguunhiza abakulu abo.

Yoshua 9:3

Aye abantu ab'e Gibeoni, nga Bahivi, baawulira Yoshua kye yakola Yeriko ni Ayi.

Yoshua 9:9

Agho baamukoba bati: “Tuva ghala inho aye olw'okuba twawulira ku bintu Musengwa Katonda waimwe by'akola, kye tuviire ni twidha.

Abalamuzi 18:12

Baaniinaniina, baaja baasimba weema dhaibwe e Kiriathi Yearimu mu Buyudaaya. Kyova, okutuusa ni mpegaano, ekifo ekyo kikaayetebwa, Ekifo Dani ghe yasimba weema dhe.

1 Samueli 6:21

Kale baatuma abakwenda y'abantu ab'e Kiriathi Yearimu, okubakoba bati: “Abafilisiti baiziiza Esanduuku ya Musengwa Katonda. Mwidhe muginone.”

1 Samueli 7:1

Agho abantu ab'e Kiriathi Yearimu baanona Esanduuku ya Musengwa Katonda, baagitwala mu ndhu ya Abinadabu ku lusozi. Era baayawula mutabane we Eleazari okugirabiriranga.